Cardoso o kaidza u engedzedza khakhathi dza Komphela ngei Wiliete
Vho-Miguel Cardoso, vho bvela khagala nga ha tshiwo tshine tsha khou ḓisa khakhathi tshine tsha katela mufarisa wavho, Vho-Steve Komphela, na mugudisi wa Wiliete SC, Vho-Beto Bianchi, tshe tsha itea ngei Angola.
Ho pfala uri ho vha na u sa anḓana vhukati ha vhagudisi nga murahu ha mutambo wa u vula wa Mamelodi Sundowns na Wiliete kha luṱa lwa vhuvhili lwa mitambo ya u dzhena kha Caf Champions League, we wa fhela nga 0-0.
Mivhigo i amba uri Bianchi o fhedza o alafhiwa vhuongeloni nga murahu ha tshiwo itshi, tshine ha pfi tsho ṋaṋa nga murahu ha musi hu tshi pfi o sema Komphela nga maipfi a tshiṱalula.
Hu pfi Komphela o dovha a fhindula Bianchi, zwa ita uri Wiliete a humbule nga ha u vula mulandu kha Caf.
Cardoso naho zwo ralo, uri tshiwo itshi ndi tsha kale nahone ha ṱoḓi tshi tshi bvela phanḓa na u vha mafhungo mahulwane phanḓa ha mutambo wa vhuvhili nga Ḽavhuṱanu.
Musi vha tshi khou amba na vhavhigi vha mafhungo nga Ḽavhuraru, Vho-Cardoso vho amba uri hu na zwithu zwivhili zwine vha ṱoḓa u zwi bvisela khagala kha mafhungo aya.
O ṱalutshedza a ri: “Ndi humbula uri tshenetsho tshiitea tsho ṱhogomelwa vhukuma u fhira zwe zwa itea zwa vhukuma.”
“Tsha vhuvhili ndi uri ro ṱanganedzwa zwavhuḓi nahone ra ṱhogomelwa zwavhuḓi, u swika nga miniti wa u fhedzisela musi ri tshi fanela u fhufha ra vhuyelela hayani.”
Vho amba uri thimu dzi na vhushaka havhuḓi nahone dzi khou isa phanḓa na u fhaṱa vhushaka ho khwaṱhaho.
“Kha bola ya milenzhe hu na maḓipfele manzhi.Ho vha hu na maḓipfele o khwaṱhaho, tshiṅwe tshifhinga honoho vhuḓipfi hu bva nnḓa ha tshanḓa.
“Fhedzi ro no fhira hezwo, ndi na vhutanzi uri mutambo wa ḽavhuṱanu u do vha wavhudi vhukati ha vhathu vhane vha thonifhana.
Vho-Miguel Cardoso vhari vho amba na Vho-Bianchi nga ha u ṱaṱisana havho na Vho-Steve Komphela phanḓa ha muṱangano wa vhoramafhungo nga murahu ha mutambo.
“Ndo amba na mugudisi wa Wiliete, Bianchi, phanḓa ha muṱangano wa vhoramafhungo na nga murahu ha mutambo, nahone ro vha na nyambedzano yo ḓoweleaho tshoṱhe.
- VHALANI ZWINWE: Pirates na maswamaswa nga ha Ncikazi we a vha e ḽivini
Fhedzi maṱo a ḓo vha kha uri Steve Komphela u ḓo sedzana hani na mugudisi tshitediamu tsha Loftus nga Ḽavhuṱanu.
