Liṅwe sia ḽine ḽa khou vhilaedzisa Bafana musi yo livha kha AFCON
Bafana Bafana vha do thoma fulo lavho la AFCON nga Musumbuluwo musi vha tshi tamba na Angola fhedzi vha nga lugisa tshithu tshithihi tshine tsha nga vha fara milenzhe?
Bafana Bafana vha kha muya wa ntha vha tshi khou ya kha khaphu ya dzitshaka dza Afrika (AFCON), ine ya do thoma mafheloni a vhege ano.
Kha khandiso ya u fhedzisela, vhanna vha Hugo Broos vho fhedza vhe kha vhuimo ha vhuraru, zwe zwa vha zwi tshi khou sumbedza zwavhuḓi kha thonamennde u bva nga 2000.
U bvelela ha AFCON zwo isa thimu kha vhuimo vhuswa, nahone nga Khubvumedzi, vha fanelea u ya kha Tshiphuga tsha Ḽifhasi tsha FIFA tsha u thoma u bva nga 2002.
Nga tshigwada tsho no fhedzaho miṅwaha i fhiraho mivhili tshi tshi ṱangana, maṱo a ḓo vha kha Afrika Tshipembe kha ino thonamennde.
U dzhena kha World Cup na u fhira mitambo ya 20 i sa athu kundwa zwo ita uri Bafana i ṱhogomelwe nahone thimu dzi ḓo vha dzo ḓilugisela.
Bafana i vhonala yo dzika nga murahu na Mbekezeli Mbokazi a tshi khou ranga phanḓa kha mutevhe wa murahu khathihi na vhatambi vhavhili vha re na tshenzhemo vha Mamelodi Sundowns vhane vha vha Khuliso Mudau na Aubrey Modiba.
Nga mukaputeni Ronwen Williams kha zwikoro, vhanna vha Broos a vha nga ḓo ṋea zwikoro zwi fhiraho zwiṱanu kha thonamennde.
Kha vhukati ha mudavhi, Teboho Mokoena u do dovha a sumbedza kilasi yawe na u sedza u wina nndwa nnzhi vhukati ha phakha. Kha AFCON yo fhelaho, ṋaledzi ya Bafana o ambiwa kha thimu ya thonamennde.
Mutsireledzi na mutamba vhukati zwi vhonala zwo dzudzana fhedzi thaidzo ndi ya u ṱhasela. Musi Oswin Appollis, Relebohile Mofokeng, Mohau Nkota na Tshepang Moremi vhe vhatambi vhavhuḓi vha phapha, Bafana i shaya mutambi wa phanḓa wa kilinikala.
Evidance Makgopa na Lyle Foster vho anzela u kundelwa , zwine zwa nga vha thaidzo kha AFCON.
Thonamennde ya vhuhulwane uhu i ṱoḓa uri vhatambi vha ṱhasela vha vhe vha kilinikala ngauri vha nga kha ḓi sa wana zwikhala zwo eḓanaho.
Arali Bafana i tshi do wina AFCON, i tea u vha na vhatambi vhayo vhane vha do kona u raha shotho.
- VHALANI HAFHU: Bafana Bafana i ḓo tambela R117 million kha AFCON
Muṅwe na muṅwe wavho u tea u kora luraru uri thimu i kone u vha na tshikhala tsha u edzisa kilasi ya 1996.
