Khune o fanyisa Makgopa na mutambi wa kale wa Chiefs
Itumeleng Khune o fanyisa mutambi wa Orlando Pirates na Bafana Bafana Evidence Makgopa na muṅwe wa vhatambi vha kale vha Kaizer Chiefs.
Mutsireledzi wa kale wa Bafana Bafana zwino ndi muḓivhi kha SABC Sport nahone o bvisela khagala zwenezwi musi vha tshi khou ṱanganedza mutambo wa Bafana na Ghana nga Ḽavhuvhili.
Bafana yo kunda Ghana nga 1-0 kha mutambo wayo wa u fhedzisela phanḓa ha Tshiphuga tsha Dzitshaka tsha Afrika ngei Morocco nga ḽa 21 Nyendavhusiku.
Musi vha tshi amba nga ha tshitaila tsha Evidence Makgopa na mvelelo dzavho kha thimu, Vho-Itumeleng Khune vhari vha vha humbudza mutambi wavho wa kale wa Chiefs Kingston Nkatha.
Khune o tamba na mutambi wa phanḓa wa Zimbabwe kha Chiefs vhukati ha 2012 na 2015, nahone Nkatha o kora zwikoro zwa 16 kha mitambo ya 69.
Nkatha o vha a sa takalelwa nga vhatikedzi vha Chiefs nga u sa vha zwavhudi nga u rali phanḓa ha pala.
Makgopa ene o no vha tshipiḓa tsha ndeme tsha u ṱhasela kha Pirates na Bafana, fhedzi tshiṅwe tshifhinga u ḓiwana a tshi sasaladzwa nga u shaya zwikoro.
Fhedzi-ha, Khune u tenda uri vhatambi vhavhili vha nga kha ḓi sa vha na vhuhali nga u rali kha bogisi, fhedzi vha na tshithu tshithihi tshi fanaho.
U amba uri ndi vha ndeme kha thimu dzine vha dzi tamba ngauri vha nga vhilaedzisa vhatsireledzi na u vula zwikhala zwa u ṱhasela vhatambi ngavho.
“Ni a ḓivha uri Evidance Makgopa u nkhumbudza nnyi Kingston Nkatha,” Vho Itumeleng Khune vho ralo kha SABC 2 musi hu tshi khou tamba mutambo wa Bafana.
“Vhafuni vha Kaizer Chiefs vho vha vha tshi dzulela u mu sasaladza.Vho vha vha sa ḓivhi uri ndi wa ndeme lungafhani kha riṋe.
“O vha a tshi vhilaedzisa vhatsireledzi nga u posa bola na u vha kokodzela thungo.
Evidance Makgopa o khethiwa kha Bafana phanḓa ha Iqraam Rayners, zwe zwa sia vhatikedzi vhanzhi vha tshi khou vhudzisa tsheo. Vho vhona Rayners sa mutambi wa bola a re na vhuhali.
