Ṋaledzi ya kale ya Chiefs i amba nga u pfulutshela ha Mbokazi kha ḽa US
Mbekezeli Mbokazi o tamba mutambo wawe wa u fhedzisela kha Orlando Pirates mathomoni a uno nwedzi nahone u do dzhena kha Chicago Fire nga murahu ha AFCON.
Mutambi wa kale wa Kaizer Chiefs Junior Khanye o ṋea ngeletshedzo kha Mbekezeli Mbokazi uri a bvelele kha Chicago Fire.
Mutambi uyu wa minwaha ya 20 o dzhena kha tshigwada tsha America zwenezwino nga murahu ha musi a sa athu fhela nwaha a tshi khou tamba kha Orlando Pirates.
U bva tshe a tamba mutambo wawe wa u thoma wa phurofeshinaḽa, mutsireledzi ane a ḓivhiwa sa “TLB” o thusa tshigwada tshawe u wina zwiphuga zwivhili kha ino khalanwaha.
O dovha a tamba mushumo muhulwane kha u dzhena ha Bafana Bafana kha Tshiphuga tsha Ḽifhasi tsha FIFA tsha 2026.
U pfulutshela hawe kha Chicago Fire zwo tshuwisa vhanzhi, hu tshi katelwa na mugudisi muhulwane wa Bafana Bafana Hugo Broos.
Mugudisi wa Belgium o pfa uri mutsireledzi muswa u tea u fhedza ino khalanwaha a sa athu wana u pfulutshela Europe.
Khanye, kha ḽiṅwe sia, o amba uri u pfulutshela US ndi mbuelo ya masheleni kha Mbokazi.
“Vhubvo ha mutukana vhu ḓo mu sukumedzela uri a dzule tshifhinga tshilapfu, naho e mutambi wa dzitshaka,” o ralo kha iDiski TV.
“Nahone u dzhia tsheo iyi ndi tshipikwa khae. A thi divhi uri ndi ngani ri tshi dzhiela fhasi ligi ya America, ngoho a thi divhi uri ndi ngani. Dziṅwe dza ligi dza khwine kha ḽifhasi a dzi sedzi na ligi yashu.”
Mutambi wa kale wa Chiefs o ri Mbokazi u do wana bvumo ḽihulwane kha ḽa America nahone u ḓo dovha a ḓiitela tshelede nnzhi ngeno a tshi khou ṱaṱisana kha vhuimo ha nṱha.
“A thi ṱoḓi u vha na vhuḓipfi vhu si havhuḓi nga ha yeneyo nḓila ngauri ndi nḓila yavhuḓi,” Khanye o engedza.
Mbokazi o tamba mutambo wawe wa u fhedzisela kha Pirates mathomoni a uno nwedzi, a vha thusa kha u kunda Carling Knockout Cup.
- VHALANI HAFHU :Sundowns yo ḓi imisela u saina muṅwe mutambi wa Europe
U ḓo pfulutshela US nga murahu ha Tshiphuga tsha Tshaka dza Afrika (AFCON), tshine tsha ḓo thoma maḓuvhani a si gathi a tevhelaho.
