Khaedu ntswa: Mutsireledzi wa Bafana Bafana o huvhala

Mutsireledzi wa Bafana Bafana na FCSB Siyabonga Ngezana o huvhala nahone zwino u khou timatimisa uri u dovha a hone kha AFCON ṅwedzi u ḓaho.

Mutambi wa vhukati wa miṅwaha ya 78 o vha o katelwa kha tshigwada tsha u thoma tsha vhatambi vha 25 vha Hugo Broos, fhedzi u shela mulenzhe hawe hu khou ṋaṋa u sa fulufhedzisa.

Mulanguli muhulwane wa FCSB Vho-Mihai Stoica vho khwathisedza uri Ngezana o kombetshedzea u bva mudavhini mafheloni a vhege nga murahu ha u pfa vhutungu kha magona.

Mutsireledzi wa kale wa Kaizer Chiefs o vha muthu wa ndeme kha tshigwada tsha Romania kha ino khalanwaha, nahone u sa vha hone hawe zwi ḓo vha tshinyalelo khulwane kha kilabu na shango.

“Gona lawe lo vha li tshi khou vhavha nahone ha koni u bvela phanḓa. O ya therapy matsheloni ano; kha ri vhone arali a tshi nga tamba nga Ḽavhuṋa,” Stoica o vhudza Fanatik.

FCSB yo vhetshelwa u tamba na thimu ya Dutch ya Feyenoord nga Lavhutanu kha mutambo wayo wa u fhedzisela wa tshigwada tsha Europa League, nahone a zwi athu vha khagala uri Ngezana u do fhola nga tshifhinga.

Mutambo u nga vha wa u fhedzisela musi a sa athu dzhena kha tshigwada tsha Bafana.

Tshigwada tsha vhaongi tsha Bafana tshi khou lavhelelwa u ṱola Ngezana musi o no swika, fhedzi zwa zwino, u shela mulenzhe ha mutsireledzi wa kale wa Chiefs kha AFCON zwi luthatheni.

Sa vhunga Mbekezeli Mbokazi a tshi khou lavhelelwa u thoma kha tournament, a zwi timatimisi uri ndi ufhio kha vhatsireledzi vho khethiwaho ane a do vha nae.

• VHALANI HAFHU: Zwane o vula nga ha vhuleme he a tangana naho kha Chiefs

Ngezana o thoma a tshi tamba na Nigeria nga tshifhinga tsha mitambo ya u kwhalifaya ya World Cup fhedzi a imiswa kha mutambo u tevhelaho nahone ha tsha tamba kha thimu ya lushaka u bva tsheetsho.