Vhatikedzi vha Bafana vhari R70 ndi nnzhi kha Dobsonville

Vhatikedzi vha Bafana Bafana vho sala vho sinyuwa nga murahu ha musi vha dzangano la bola ya milenzhe la Afrika Tshipembe vho dzhia tsheo ya u farela mutambo wavho wa vhukonani stadium tsha Dobsonville.

Bafana i ḓo ṱanganedza Ghana nga Ḽavhuvhili ḽi ḓaho kha mutambo wayo wa u fhedzisela phanḓa ha musi i tshi ṱuwa u ya kha Tshiphuga tsha Dzitshaka tsha Afrika ngei Morocco mafheloni a uno ṅwedzi.

Musi mutengo wa thikhithi wo vhewa kha R70, vhatikedzi vhanzhi vho pfa uri vha khou shumiswa luvhi, nga maanḓa ngauri mutambo wa Ḽavhuvhili ndi mutambo wa u ita ndowe ndowe na thimu ya B ya Ghana.

Black Stars a i athu dzhena kha thonamennde iyi nahone i khou shumisa mutambo uyu u ṱoḓa vhaswa vha re na vhukoni vhapo vhane vha nga vhuedza tshigwada tshavho tsha lushaka.

Miṅwedzini yo fhiraho,  Bafana yo rengisa thikhithi dzoṱhe kha mitambo ye ya i tamba, hu tshi katelwa na mitambo ya vhukonani na mitambo ya u ṱanganedza World Cup.

Musi thimu i tshi khou tamba mutambo wayo wa u fhedzisela hayani phanḓa ha AFCON, vhatikedzi vhanzhi vho humbula uri SAFA i ḓo dzudzanya tshitediamu tsho tendelwaho nga FIFA kana khanwe ya tamba Loftus Versfeld, ro sedza uri vhatambi zwa zwino vha Pretoria gammbani. 

Musi vhanwe vhatikedzi vha Bafana vha tshi dzhia Dobsonville sa fhethu ha vhuḓi ha u gudisa,

Vhatikedzi vhanzhi vha pfa unga R70 ya thikhithi i khou ḓura nga maanḓa, ro sedza vhapikisi na fhethu hune mutambo wa ḓo farelwa hone.

• VHALANI HAFHU : Khaedu ntswa: Mutsireledzi wa Bafana Bafana o huvhala

“Mara kha zwitediamu zwothe, Dobsonville? Ndi ngani hu si tshitediamu tsha Orlando nga vhutuku.”