Bwalya o humbela mashango a Afrika uri a gude kha shango ḽa Morocco

Muhali wa Zambia Vho ​​Kalusha Bwalya vho humbela  mashango a Afrika uri a gude kha Royal morocco football federation nga ha mveledziso ya bola ya milenzhe.

Thimu dza lushaka dza Morocco dzo vha dzi tshi khou tshimbila zwavhuḓi kha bola ya milenzhe ya ḽifhasi zwenezwino, zwe zwa sumbedzwa nga thimu ya vhafhasi ha 20 ye ya wina khapi ya ḽifhasi ya vhafhasi ha 20 ngei Chile zwenezwino.

Musi vha tshi khou amba na Senate  ino vhege, Vho Kalusha Bwalya vho amba uri hu tea u vha na zwiṅwe zwine vhathu vha Morocco vha zwi ita zwavhuḓi zwine maṅwe mashango a nga vhuelwa ngazwo.

“Federesheni dzoṱhe dza bola ya milenzhe dza Afrika dzi tea u guda kha vha Morocco malugana na mveledziso na ndaulo ya bola ya milenzhe kha vhuimo ha dzitshaka,” Vho Bwalya vho ralo.

“Morocco yo tamba bola ya milenzhe ya vhuimo ha nṱha kha Tshiphuga tsha Ḽifhasi nahone ya swika kha semi-final .

“Vho vha vhe shango ḽa u thoma kha dzhango ḽashu u swika kha vhuimo honoho kha Tshiphuga tsha Ḽifhasi,” Bwalya o humbula nga u ralo.

“Vhatambi vhavho vho thoma u ṱuṱuwedzwa kha zwipiḓa zwa fhasi.No zwi vhona uri vho vha vha sa khoto takaleliwa kha World cup ya  vhafhasi ha  20. 

“Fhedzi vho kunda vhapikisi vhoṱhe vha konḓaho vhe vha vha vhe phanḓa havho nahone vha fhedza vhe vhahali vha ḽifhasi.

“Vha Morocco vha fhasi ha miṅwaha ya 20 vha ḓo dzhena kha thimu ya lushaka ya vhaaluwa ngauri vhoṱhe vha tamba nga nḓila i fanaho.

“Thimu ya lushaka ya Morocco i ḓo itela khaedu mashango manzhi kha Tshiphuga tsha Tshaka dza Afrika na Tshiphuga tsha Ḽifhasi,” Vho Bwalya vho engedza.

• VHALANI ZWINWE : Zwine Ouaddou a zwi ṱoḓa kha Pirates kha mutambo muhulwane

Morocco i ḓo vha ṋemuṱa wa Afcon nga Nyendavhusiku nahone zwenezwino yo fhaṱa zwitediamu zwa maimo kha ḽifhasi.