Pirates i ṱoḓa mutambi wa City uri a dzhene vhudzuloni ha Mbokazi
Thimu ya orlando pirates yo topola mutsireledzi wa thimu ya Durban City ane a do dzhia vhuimo ha Mbekezeli Mbokazi.
Hezwi zwo bviselwa khagala nga muvhigo kha Phakaathi, une wa amba uri Orlando Pirates yo no amba na Durban City phanḓa ha musi hu tshi thoma u rengiswa vhatambi nga ṅwedzi wa Phando.
Vha khou toda u renga Mfanafuthi Mkhize, mutambi muhulwane kha kilabu ya KwaZulu-Natal ye ya huliswa zwenezwino ya vha kha ligi ya ntha.
Tshisima tsha tsini na tshigwada tsho bvisela khagala uri Orlando Pirates i vhona Mkhize sa muthu ane a nga dzhia vhudzulo ha Mbekezeli Mbokazi.
Mbokazi Mbokazi o saina na tshigwada tsha bola ya milenzhe ya ligi khulwane ya Amerika tshine tsha pfi Chicago Fire,
Fhedzi u do dzhena navho nga nwedzi wa Phando nga murahu ha musi vhono tamba khaphu ya dzitshaka dza Afrika.
Zwi kha di do vhonala uri Pirates i do tevhela dzangalelo layo kha Mkhize, fhedzi zwi vhonala uri vha khou mu vhea iṱo.
“Ndi a pfesesa uri Pirates yo amba na Durban City nga ha Mkhize musi hu tshi vhigwa uri Mbokazi u US zwenezwino,” ho amba tshisima.
“Fhedzi zwino ngauri ri vhona Mbokazi o vhuya, a thi na vhuṱanzi uri zwi amba mini. Fhedzi ndi a zwi ḓivha uri Pirates yo vhudzisa nga ha Mkhize.
“Arali a tshi isa phanḓa na u tamba nga nḓila ine a vha ngayo, ndi nnyi ane a zwi ḓivha?, khanwe vha ḓo mu disa naho Mbokazi a sa dzhena US.”
Fhedzi-ha, vha Senate vha nga khwaṱhisedza uri ngoho Mbokazi u khou ya US sa zwe mutambi ene muṋe a ri khwaṱhisedza mafheloni a vhege.
