Gonzalez o kora musi a tshi tamba lwa u thoma ngei China
Mutambi wa kale wa Kaizer Chiefs Efmamjjasond Gonzalez a ha ngo tambisa tshifhinga a tshi ita uri hu vhe na mvelelo kha Shijiazhuang Gongfu FC,
O tshi dzhia tshikoro tsha u thoma kha mutambo wawe wa u thoma musi vha tshi tamba na Dingnan United nga 1-1 kha Ligi ya u Thoma ya China.
Mutambi wa miṅwaha ya 26 wa Colombia zwenezwino o dzhena kha kilabu ya vhuvhili ya China nga khadzimiso ya tshifhinga tshiṱuku u bva kha Bolivia’s Club Always Ready,
Thendelano i vhigwa i tshi ḓo ḓura ṱoḓaho u vha €50,000 (R1 miḽioni).
Gonzalez o swika Asia e kha fomo ya nthesa, o no kora zwikoro zwa 11 na u shela mulenzhe kha thuso nthihi kha mitambo ya 13 kha tshigwada tsha nṱha tsha Bolivia.
Zwine zwa fhambana vhukuma na tshifhinga tshawe tshi nyadziseaho kha Kaizer Chiefs nga tshifhinga tsha 2023/24 Betway Premiership, he a kundelwa u kora kha mitambo ya 13.
Nga murahu ha musi o no vhuyelela South America, Gonzalez o vusuludza fomo yawe lwa tshifhinganyana kha Real Santa Cruz,
A dzhia zwikoro zwa rathi kha mitambo ya 19, naho thimu yo vha yo no fhungudzea.
- vhari wana kha facebook| facebook.com/profile.
Zwenezwo zwo ita uri a pfulutshele lwa tshoṱhe kha Always Ready nga Fulwana 2025, he a swika kha fomo ya nṱhesa musi a sa athu livha China.
Musi vha sa athu tendela u ṱuwa ha khadzimiso, Always Ready yo thoma u engedzwa ha ṅwaha muthihi, ya vhulunga Gonzalez fhasi ha thendelano u swika nga Nyendavhusiku 2026.
Shijiazhuang Gongfu — zwa zwino u kha vhuimo ha vhuṱanu kha ḽogo nga 25 points, 12 murahu ha vharangaphanḓa.
- VHALANI HAFHU: McKenzie u amba nga ha VAR kha PSL
Vha na fulufhelo ḽa uri u swika ha Gonzalez zwi ḓo vusa ṱhuṱhuwedzo khulwane hu na mitambo ya 14 yo salaho kha khalanwaha.
Translated by Nthaduleni Rolivhuwa
