Pirates yo kundwa kha mutambo wa vhukonani, fhedzi zwi khou thembisa
Ouaddou o dinalea na u takala musi Pirates i tshi kundwa kha mutambo wa u thoma wa vhukonani.
Mugudisi muswa wa Orlando Pirates, Abdeslam Ouaddou o vha o dinalea nga mvelelo fhedzi kha mutambo wa u thoma wa vhukonani wa thimu yawe ngei Spain.
Pirates yo kundwa nga 2-0 kha thimu ya vhuvhili ya England, Bolton Wanderers ngei Marbella, Spain
Fhedzi kha mugudisi zwo vha zwi tshi khou ṱoḓa u linga zwithu zwi si gathi u fhira mvelelo.
“Ro dinalea nyana ngauri tshifhinga tshoṱhe ri tamba u itela u kunda,” ho amba mugudisi nga murahu ha mutambo.
“Fhedzi ro vhona zwithu zwavhuḓi kha hafu mbili dzo tambiwaho.
- vhari wana kha facebook| facebook.com/profile.
“Ro vhona zwithu zwi takadzaho malugana na tshivhumbeo tsha u tamba, malugana na u sika zwikhala…
“Na kha zwa u wana tshikhala tsha mahala tsha u engedza nomboro kha bogisi musi ri tshi ṱhasela.Ro vha ri na zwikhala zwa u lingana.
“Kha hafu ya u thoma vho vha vhe na mashudu a u ranga phanḓa nahone mashudu mavhuya zwino ri a zwi ḓivha uri ri kha ḓi tea u shuma kha u tsireledza zwipiḓa zwo vhewaho.”
Zwikoro zwivhili zwo tendelwaho zwo bva kha zwipiḓa zwo vhewaho sa izwi Orlando Pirates yo kundelwa u dzudzanya tsireledzo yayo, nahone Ouaddou uri ndi zwithu zwine a ḓo zwi dzudzanya.
- vhari wana kha facebook| facebook.com/profile.
“Ndi vhushayanungo vhune ra ḓo sedza khaho ngauri a ri nga koni u ṋea zwikoro zwivhili kha zwipikwa zwo vhewaho… Fhedzi ho vha na zwivhuya na zwone.”
Ouaddou o tenda uri u sa tsireledzea ha Orlando Pirates kha zwipiḓa zwo vhewaho ndi zwithu zwe a zwi ṱalula musi e na Marumo Gallants.
“Musi ndi tshi tamba na Pirates na thimu yanga yo fhiraho, zwo vha zwi zwithu zwe ra vha ro lingedza u zwi shumisa nahone ra bvelela.
“U tsireledza zwavhuḓi kha bogisi ndi vhutsila, ndi humbula nga u ralo…
Nahone ri fanela u khwinisa ndi na fulufhelo ḽa uri ri ḓo ita nga u ralo.”
- VHalani hafhu: khalanwaha ya u fhedza Moloisane a na vha Stellies
Mutambo u tevhelaho wa Pirates u do vha nga Swondaha musi vha tshi tangana na tshigwada tsha Cyprus, Pafos FC sentharani ya mitambo ya Marbella.
