Grobler o vhea zwipikwa zwawe kha Sekhukhune
Mutambi wa kale wa phanḓa Bradley Grobler uri u dzhena kha Sekhukhune United zwo pfala zwi tshi nga ndi zwone zwo fhelelaho.
Mutambi na kilabu vhoṱhe vha na ndivho i fanaho: u wina zwiphuga.
Mutambi wa minwaha ya 37 o rwa fhasi a tshi khou gidima nga mivhala yawe miswa, a dzhia tshikoro tsha u thoma musi a tshi tamba.
A ṱuwa na pfufho ya Munna wa Mutambo musi Babina Noko a tshi kunda TS Galaxy nga 3-2 kha mutambo wa kotara ya vhufhelo wa MTN8 u takadzaho ngei Tshitediamu tsha New Peter Mokaba nga Mugivhela.
“Ndo swikelela zwinzhi, fhedzi hu kha ḓi vha na zwinzhi zwine nda ṱoḓa u zwi swikelela,” Grobler o ralo.
“Ndi kale ndi sa athu takusa tshiphuga, ndo ṱuvha vhuḓipfi honoho.”
Nga murahu ha u fhedza miṅwaha i fhiraho fumi kha SuperSport United, o wana vhuimo ha nṱhesa sa mutambi wa zwikoro wa tshifhinga tshoṱhe wa kilabu.
Grobler o ita mvelaphanḓa ya tshivhindi ya u ya Sekhukhune kha ino khalanwaha.
U amba uri tsheo yawe yo vha i si ya bola ya milenzhe fhedzi—fhedzi yo vha i ya bono na nḓala.
“Ndi pfa ndo dzhena kha thimu ine na yone i ṱoḓa tshiphuga tshayo tsha u thoma, nahone zwenezwo zwo vha zwi zwa ndeme vhukuma kha nṋe.
“Sekhukhune i na vhuimo ha nṱha, khonadzeo—nahone zwenezwo zwi tshimbilelana na bono ḽanga ḽa ino khalanwaha.”
Musi muhali a tshi kha ḓi vha kule vhukuma na rekhodo ya zwipikwa zwa PSL ya tshifhinga tshoṱhe—zwa zwino u kha zwipikwa zwa 129—u kombetshedza uri u bvelela ha thimu zwi vhe zwa ndeme.
“Muṅwe na muṅwe u amba nga ha zwipikwa zwa 129. Ngoho, zwenezwo zwi murahu ha muhumbulo wanga, fhedzi zwa zwino, ndi nga ha u wina silivhere. Ndi tshone tshipikwa tshihulwane.”
“Nga muhumbulo, ndi zwihulwane kha nṋe. Khalanwaha yo fhiraho, ndo huvhala kha mutambo wa u thoma.
“Nga hetshi tshifhinga, ndo ḓa nga kha mutambo wa u vula nga murahu ha pre-season yo khwaṱhaho.
- Vhalani hafhu : Mama Joy vho wana haya huswa nga murahu ha u wa ha Royal AM
“Ndi khoḓa mugudisi na tshigwada tsha thekiniki—vho nndangula zwavhuḓi.”
Translated by Nthaduleni Rolivhuwa
