Ouaddou u ṱalutshedza u savha hone ha Mbule kha mitambo

Mugudisi wa Orlando pirates Vho Abdeslam Ouaddou vho fhedza vho amba nga ha u sa vha hone ha Sipho Mbule kha mitambo mivhili yo fhelaho.

Sipho Mbule na Evidence Makgopa vho vha vha siho kha mutambo wa Betway Premiership we Orlando pirates ya kunda Magesi FC mafheloni a vhege.

Pirates yo wina nga 2-0 kha mutambo wa Orlando Amstel Arena nga Mugivhela vhusiku nahone ya tamba bola ya milenzhe yavhuḓi.

Mvelelo yo ita uri Pirates i vhe kha vhuimo ha vhuvhili kha logi nga 32 points, i tshi lingana na Mamelodi Sundowns i re nṱha.

Naho vho tamba zwavhudi, u sa vha hone ha Mbule kha thimu zwo kunga maṱo.

Mutambi wa vhukati o xelelwa nga mitambo yothe ya ligi ubva tshe a vhuya kha tshifhinga tsha u awela tsha Afcon, ho katelwa na mutambo wa 0-0 na Sekhukhune United.

Sipho Mbule, we a dzhena kha Orlando Pirates nga u rengiswa ha mahala u bva kha Sundowns, o vha mutambi wa ndeme kha hafu ya u thoma ya khalanwaha.

O tamba mitambo ya 16 kha mitatisano yothe kha luta lwa u thoma nahone o vha a tshi khou ita zwavhudi.

Evidence Makgopa na ene o vha a siho kha mutambo wa Magesi, ho thoma Yanela Mbuthuma.

“Ri nanga thimu ine ya ḓo i tamba ro sedza kha lushaka lwa mukhaedu une ra khou sedzana nae,” ho amba Ouaddou.

“Ri na mitambo minzhi ine ya khou ḓa. Ri tamba na AmaZulu nga Ḽavhuvhili, nga murahu ha Nedbank Cup (nga mafhelo a vhege).

“Ri ḓo vha ri tshi khou tamba maḓuvha mararu maṅwe na maṅwe, ngauralo u langa vhatambi ndi zwa ndeme vhukuma.”

• VHALANI HAFHU: Ouaddou o amba nga ha vhuimo vhuswa wa Mofokeng kha Pirates

Fhedzi u sa vha hone ha Mbule zwo vusa mafhungo kha vhatikedzi uri a nga vha o ita zwithu zwo khakheaho.