Mugudisi wa Chiefs o khoda mashumele a Velebayi
Mugudisi wa thimu ya Kaizer Chiefs Vho Cedric Kaze vhari kushumele ku takadzaho kwa Asanele Velebayi zwi sumbedza uri u sa fhela mbilu zwi a vhuyedza musi hu tshi ḓivhadzwa mutambi muswa kha thimu.
Mutambi uyu wa minwaha ya 22, khathihi na Luke Baartman wa minwaha ya 19, vho dzhena kha Kaizer Chiefs nga murahu ha musi tshigwada tshavho tsha kale tsha Cape Town Spurs tsho tsela fhasi.
Fhedzi vhatambi vhenevho vhavhili vho vha vha tshi fanela u lindela tshifhinganyana vha sa athu tamba kha Chiefs — ngauri Spurs yo vha i tshi khou hanedza u sainwa havho.
- vhari wana kha facebook| Mitamboyashu.co.za
Asanele Velebayi o fhedza o wana tshikhala tshawe nga Lavhuvhili, nahone Kaze uri muswa uyu o sumbedza u ḓifulufhela na uri ndi ngani tshigwada tshi tshi tenda kha vhukoni hawe.
“Hu na maitele a u ḓisa vhatambi vhaswa kha thimu, nahone tshiṅwe tshifhinga zwi dzhia tshifhinga tshilapfunyana,” Kaze o ṱalutshedza.
“Arali na ṱavhanyedza zwithu, ni nga vhulaha fulufhelo ḽa mutambi. Fhedzi Velebayi u ḓisa zwiṅwe zwithu zwo fhambanaho…
Kaze o khoḓa winger, a ri u ḓisa zwiṅwe zwithu zwo fhambanaho musi vha tshi ṱhasela, a engedza nga uri vhatikedzi vha Chiefs vha nga lavhelela zwinzhi musi o no dzhena kha gear.
“Wo vha u mutambo wawe wa u thoma nahone o ita zwavhudi vhukuma. O sumbedza uri u na zwinzhi zwine a tea u zwi itela thimu,” ho amba Kaze.
🔥 Zwi tevhelaho: Kaizer Chiefs i do vha i tshi khou fulufhela uri Asanele Velebayi u do bvela phanda na u penya musi vha tshi khou di lugisela khaedu dzi tevhelaho kha fulo lavho.
