Ṅwana wa Gayton o kuvhanganya hani R50m ya u renga kilabu ya bola?
Ndi bindu ḽa vhukuma? Muṱhannga wa Gayton McKenzie Vho-Calvin Le John vho fhindula kha mafhungo a uri Siwelele FC yo rengwa nga thendelano dza thandela dza vhuaḓa…
Muṱhannga wa Gayton McKenzie Vho-Calvin Le John vho bvisela khagala nḓila ye vha kuvhanganya ngayo R50 miḽioni u itela u renga tshigwada tsha bola ya milenzhe tsha Siwelele FC.
Ramabindu ndi tanzhe la Minisiṱa wa Mitambo, Vhutsila na Mvelele we a dzhia mabindu a muṱa.
Le John – ane a shumisa dzina ḽa mme awe ḽa u thoma – u na fulufhelo ḽa uri kilabu yawe ntswa i ḓo ḓadza tshikhala tsho siwaho nga Bloemfontein Celtics, ye nga murahu ya vha Royal AM.
Musi a tshi amba kha nyambedzano yawe ya u thoma, Calvin Le John o fhindula mbudziso dzi fhisaho nga ha u wana kilabu “ntswa” ya PSL, Siwelele FC.
Iṅwe yadzo ndi nḓila ye a kona ngayo u kuvhanganya R50 million ya u renga tshigwada.
Iṅwe yo vha i ya uri thengiselano ya bindu yo itea hani na lini.
Muṱhannga wa Gayton McKenzie o dzumbulula uri thengiso yo itea nga okhusheni, nahone o ṋetshedza R50 miḽioni ya tshigwada, zwe zwa fheleledza zwo ṱanganedzwa.
“A thi na 50 million yo soko dzulaho. Ndo rengisa dziṅwe thundu u itela u badela ”, Le
- vhari wana kha facebook| facebook.com/profile.
Vho engedza nga uri vho rengisa mikovhe ya mugodi wa daimane wa muṱa kha khonsothiamu nga tshelede i swikaho R90 miḽioni.
O isa phanḓa a ri: “Ndo vhona mavharivhari a uri ndo wana thandela ya R70 miḽioni, nahone zwenezwo ndi mazwifhi madaladala.”
“A thi na khonani, vhashumisani, kana mirado ya muta vhane vha khou ita mushumo ufhio na ufhio doroboni kana muhashoni wa mitambo.
A thi iti dzi thandela. Ndo lingedza, fhedzi u vhona vhathu vha tshi khou farwa zwi a tshuwisa.
“Ndi kha mabindu o fhambanaho, fhedzi a thi shumisani na muvhuso”..
“Arali huna muthu ane avha na mafhungo nga ha uri ndo wana R70 million, kha vha a bvise.A thi na zwine nda nga dzumba”.
Le John o engedza nga uri SuperSport United yo vha i tshi ṱoḓa uri a “sumbedze” nḓila ye a wana ngayo tshelede ya u renga tshigwada.
MUTAMBO WAVHO wA U THOMA NDI LINI?
Nga Mugivhela, ḽa 9 Ṱhangule – ḽine ḽa vha Ḓuvha ḽa Vhafumakadzi Afrika Tshipembe – Siwelele i ḓo tamba lwa u thoma kha ḽigi nga mutambo wa Betway Premiership na Golden Arrows.
Translated by Nthaduleni Rolivhuwa
