‘Zwe ra fulufhedzisa Nabi’ –Ben Youssef o dzumbulula
Kaizer Chiefs yo kona u kunda Stellenbosch nga 2-0 kha mutambo wayo wa u thoma naho ho vha hu si na mugudisi Nasreddine Nabi.
Muthusa mugudisi wa Kaizer Chiefs Vho-Khalil Ben Youssef vho vha vho dzhia tsheo ya uri thimu i kunde Stellenbosch nga 2-0 kha mugudisi wavho muhulwane Vho-Nasreddine Nabi.
Mugudisi wa miṅwaha ya 60 wa Tunisia o vhuyelela hayani u itela u ṱhogomela mufumakadzi wawe o huvhalaho.
Ben Youssef na muthusi wa vhuvhili wa mugudisi wa Amakhosi, Cedric Kaze vho vha vhe kha mutevhe wa u kwama nga tshifhinga tsha mutambo wa u vula wa thimu ngei Tshitediamu tsha Athlone.
Zwikoro zwa Nkosingiphile Ngcobo na Glody Lilepo zwo ṋea Kaizer Chiefs phoindi dzoṱhe tharu kha mutambo wayo wa u vula wa Betway Premiership.
“Ro fulufhedzisa Nasredine Nabi uri ri ḓo wina mutambo uyu, nahone roṱhe ri khou rabelela mufumakadzi wawe uri a pfe e khwine uri mugudisi a kone u dovha a ri ṱanganedza,” ho amba muthusa mugudisi wa Kaizer Chiefs Ben Youssef.
“U dzula wo livhisa ṱhogomelo kha mutambo u ngaho hoyu zwi a konḓa, fhedzi vhatambi vhashu a vho ngo vhuya vha litsha u lwa.”
U wina ha Amakhosi nga Swondaha zwi ita uri vha ṱangane na vharangaphanḓa vha Betway Premiership khathihi na dziṅwe thimu ṱhanu.
“Ri tea u livhuwa tshigwada tsha vhugudisi tsha DDC kha u ita uri vhatambi avha vhaswa vha lugiselele bola ya milenzhe ya nṱha,” ho amba Ben Youssef.
“Aiden u na maitele avhuḓi a mushumo. O tambula nyana kha khalanwaha yo fhiraho, fhedzi o vha muṅwe wa vhatambi vhashu vha khwiṋesa zwenezwino.”
Kaizer Chiefs zwino i do livhisa ṱhogomelo kha Polokwane City, ine ya ḓo ṱangana nayo nga Ḽavhuraru.
- Vhalani hafhu :Masinda mbilu kha vhatikedzi vha pirates
Fhedzi zwi kha ḓi ḓo vhonala arali Nabi a tshi ḓo vha kha touchline nga tshenetsho tshifhinga.
Translated by Nthaduleni Rolivhuwa
