Masinda mbilu kha vhatikedzi vha pirates
Mugudisi wa Orlando Pirates Vho-Abdleslam Ouaddou vha khou lila musi tshigwada tshavho tshi tshi kundwa nga 1-0.
Pirates yo fhumudza vhatikedzi vhayo vhe vha vha vho ḓa nga vhunzhi tshitediamu tsha Orlando musi Sekhukhune i tshi bvelela nga clean sheet.
“Ro dinalea vhukuma. Ro vha ri tshi khou langa mutambo nahone ra sika zwikhala zwavhuḓi vhukuma na zwa ndeme.”
“Fhedzi ndi ngazwo bola ya milenzhe i nga u ralo,” Ouaddou o ralo nga murahu ha mutambo. “Arali na sa dzhia tshikhala tshanu, a zwi tshimbili zwavhuḓi.”
“vhapikisi vha wana tshikhala tshithihi vha fhedza vha tshi u dzhiela. Fhedzi ri fanela u isa phanḓa na u vha na fulufhelo na u tenda kha zwine ra khou ita.”
“Ro vha ri tshi khou toda u wina mutambo wa u thoma hayani, fhedzi a zwo ngo ri tshimbilela zwavhudi… Fhedzi ri tea u isa phanda na u fhulufhela.”
Sekhukhune yo swika Orlando ho ḓalaho vhatikedzi vhe vha vha vha tshi khou imba na vhuṱambo ha dakalo, vha tshi lavhelela uri thimu yavho i ḓo bvela phanḓa he ya litsha hone mafheloni a vhege o fhiraho.
Fhedzi zwithu a zwo ngo tshimbila zwavhudi kha Pirates sa izwi Siphesihle Mkhize o kora tshikoro tshithihi fhedzi tshe tsha ḽela Blues kha luṱa lwa u thoma.
- Vhalani hafhu : Siwelele FC yo khwathisa tshigwada nga vhatambi vhaswa.
Naho Pirates yo vha i tshi khou sika zwikhala, nahone i tshi khou langa mutambo, yo fhedza yo kundelwa u wana tshikoro.
Translated by Nthaduleni Rolivhuwa
