Seema u ṱalutshedza u sa tamba ha vho hadzimiwaho vha Chiefs

Mugudisi wa thimu ya siwelele fc Vho-Lehlohonolo Seema vho amba nga ho livhaho nga ha vhatambi vha kaizer chiefs vhane vho hadzimiwa vho-Happy Mashiane na Samkelo Zwane.

Seema o ombedzela uri vhatambi vhothe vha tea u shuma nga maanda uri vha wane vhuimo havho kha thimu.

U amba uri hune vha bva hone a zwi ambi uri vha do fhiwa vhudzulo musi hu tshi khethiwa vhatambi vha u thoma.

Vho ombedzela uri muṱaṱisano wa u ṱoḓa zwikhala ndi muhulwane, nahone vha ri u ḓikumedzela havho kha gym zwi ḓo vha ita uri vha dzhene kha thimu yawe.

“U fana na vhaṅwe vhatambi, vha fanela u lwela jeresi,” ho amba Seema nga murahu ha mutambo wa tshigwada tshawe na AmaZulu FC mafheloni a vhege.

“Ndi henefho hune na ḓo vhona arali vho shuma nga maanḓa — nga u sedza arali vha kha mutevhe wa u thoma,” ho amba Seema.

O khwaṱhisedza uri vhatambi vhenevho vhavhili vha khou guda na thimu nahone vha kha ḓi ḓowela vhupo ha Siwelele na zwine zwa lavhelelwa khavho.

• VHA RI WANA KHA FACEBOOK| Mitamboyashu.co.za

Mashiane na Zwane vho dzhena kha Siwelele FC nga murahu ha musi vho di wana vha siho kha pulane dza vhagudisi vha Kaizer Chiefs ino khalanwaha.

Vhatambi avho vhavhili vho bva kha tshikolo tsha vhaswa tsha Kaizer Chiefs vha huliswa vha ya kha thimu khulwane nga fhasi ha Arthur “1011” Zwane musi a tshi gudisa Amakhosi.

Vho sumbedza fulufhedziso kale nga fhasi ha Zwane, fhedzi u kundelwa u vhulunga vhuḓiimiseli zwo fhedza zwo ita uri vha xelelwe nga jeresi yavho.

U dzulela u shandukiswa ha vhugudisi kha Chiefs zwo dovha zwa sika dzinwe khaedu, sa izwi vhatambi vha tshi khou tambula nga u tendelana na u dzulela u shandukiswa ha maitele.

• VHALANI HAFHU : Mbokazi o zwi ita zwothe nga minwedzi ya malo fhedzi

Ndivho ya u pfulutshela havho kha Siwelele FC nga khadzimiso ndi u vha wanela tshifhinga tshinzhi tsha u tamba.