Ndi ngani Ouaddou a sa khou vhilaela nga ha mbambe ya ligi

Abdeslam Ouaddou o bvisela khagala hune Orlando Pirates ya tea u khwinisa hone musi ligi ya Betway i tshi khou dzhena kha hafu ya u fhedzisela ya khalanwaha.

Vho no dzhia zwikoro zwa 18 fhedzi kha ligi. Ndi ngazwo Ouaddou zwino a tshi khou shuma nga maanḓa u khwaṱhisa phanḓa.

“U bva tshe khalanwaha ya thoma, thimu yashu yo ita mushumo wavhuḓi nahone yo khwinisa kha zwithu zwinzhi.

“Nahone nga ṅwambo wa zwenezwo ri fanela u ṱuṱuwedza vhatambi uri vha bvele phanḓa vha tshi shuma nga maanḓa,” ho amba mugudisi.

“Arali ri tshi tea u sedza kha sia ḽithihi ḽine ra tea u shuma khaḽo nga maanḓa, ndi musi ri tsini na tshikoro.

“Khamusi ri tea u khwinisa ngauri ri nga sika zwikhala zwinzhi zwa u kora – ri nga zwi vhona kha zwitatamennde zwashu.

“Ri iṅwe ya thimu dza khwine kha u sika zwikhala zwinzhi musi ri tsini na tshikoro.

“Fhedzi u itela u ita zwavhuḓi na u vha thimu ya nṱha, ri fanela u khwinisa kha ḽeneḽo sia,” ho bvela phanḓa mugudisi.

Pirates zwazwino i murahu nga mitambo mivhili kha Mamelodi Sundowns ine ya vha kha vhuimo ha ntha ha logo, na Kaizer Chiefs ine ya vha kha vhuimo ha vhuvhili.

Musi vha tshi vhudziswa nga ha mitambo, Vho-Ouaddou vhari a vha athu vhilaela nga ha logo. “Ro vha ro sedza kha riṋe vhaṋe u bva tshe khalanwaha ya thoma.

“A thi nga ni zwifhi nda ni vhudza uri a ri sedzi logo,” 

“Fhedzi kha riṋe ndi zwa ndeme u sedza kha hune ra tea u khwinisa hone, hune ra tea u bvela phanḓa na u shuma khaho.

“Ri khou tshimbila zwavhuḓi vhukuma, ngoho, nahone a ro ngo sedza kha dziṅwe thimu.Ro sedza kha riṋe vhaṋe.

“Ro sedza kha uri ri fanela u thoma hani mitambo na uri ri fanela u i fhedza hani.

“Ri tamba mutambo munwe na munwe u itela u wina. Ligi i kha di vha ndapfu, nahone a i nga fheli u swika nga nwedzi wa Lambamai, ngauralo ri do vhilaela uri ri ngafhi mafheloni a khalanwaha.”

• VHALANI HAFHU: Kaizer chiefs yo wina futhi ya fhira Orlando pirates

Musi a tshi phetha nga ha zwipikwa zwawe zwa khalanwaha yawe ya u thoma na tshigwada, o engedza nga uri tshipikwa tshihulwane ndi u dzhia mutambo muṅwe na muṅwe nga tshifhinga tshithihi.