Banyana Banyana yo bviswa kha WAFCON nga Nigeria
Banyana Banyana i ḓo vhuya hayani i si na tshithu nga murahu ha musi yo bviswa kha mitambo ya semi-final ya khaphu ya Afrika ya vhafumakadzi ya Caf ngei Morocco.
Thimu ya Desiree Ellis yo kundwa nga 2-1 nga Nigeria kha mutambo wa u vula nga Ḽavhuvhili vhusiku ngei Casablanca.
Hu tea u dzhielwa nzhele uri hoyu wo vha mutambo wa mashudu kha Banyana sa izwi hu vhone vhe vha vha vha tshi langa mutambo na u tamba bola ya milenzhe yavhuḓi.
Tshigwada tsha Nigeria tsha SuperFalcons tsho ranga phanḓa nga miniti ya vhu 45.
Nga murahu ha musi ho ṋewa penalty kha Rasheedat Ajibade we a vha o thivhelwa.
Banyana yo vhuya kha luṱa lwa vhuvhili, nahone ya dovha ya ṋewa penalty nga miniti wa vhu 60, ye Linda Mothlalo a i dzhenisa kha mambule.
Ho vha na tshifhinga tshi ṱungufhadzaho musi mutambo u tshi khou ya u fhela musi Gabriela Salgado a tshi huvhala vhukuma.
Zwa ita uri vhatambi vha thimu dzoṱhe vha bvele phanḓa vha tshi khou lila.
U huvhala hawe ho vha hu tshi khou lemela vhukuma kha tshigwada.
Naho zwo bvela phanḓa nahone zwo ṱoḓa u dzhia tshikoro tsha u bvela phanḓa.
- VHALANI HAFHU : Nigeria yo sumbedza nyofho dzavho kha Banyana Banyana
Fhedzi ndi Nigeria ḽe ḽa dzhia tshikoro tsha ndeme tsha u kunda musi ho sala mimunithi mivhili fhedzi uri mutambo u thome.
Translated by Nthaduleni Rolivhuwa
