Makgalwa o bvukulula uri Chiefs yo kundelwa ngani u mu wana
Mutambi wa Simba SC Keletso Makgalwa o bvisela khagala uri ndi ngani a songo dzhena kha Kaizer Chiefs musi khalanwaha i tshi thoma, naho tshigwada tshine tsha vha Naturena tsho vha tshi tshi khou mufuna.
Mutambi uyu wa minwaha ya 29 o ṱutshela Sekhukhune United mafheloni a khalanwaha yo fhiraho a sa athu saina na tshigwada tsha Tanzania tsha Simba SC.
Makgalwa uri Chiefs yo vha i tshi khou mufuna, fhedzi vho swika vho lenga vhukuma, nga tshifhinga tshe a vha a tshi khou ṱoḓa tshikhala tsha u tamba nnḓa ha Afrika Tshipembe.
“Ee, Chiefs yo vha i iṅwe ya thimu dzine dza vha na dzangalelo kha nṋe,” Makgalwa o vhudza FARPost.
“tshovha tshi tshikhala tshavhuḓi, fhedzi ndo vha ndi tshi ṱoḓa u tamba huṅwe fhethu nnḓa ha Afrika Tshipembe.”
Keletso Makgalwa uri o amba na mulanguli wawe, Ntobatsi Masegela, na Kaizer Motaung Jr, fhedzi nga tshenetsho tshifhinga, Kaizer Chiefs yo vha yo farakanea nga u dzudzanya tshigwada tshayo.
“U amba ngoho a vho ngo ḓa nga tshifhinga tsho teaho, Simba nayo yo mbo di da, ndo mbo ḓi humbula u ya kha Simba.”
Fhedzi Makgalwa ha ngo vala vothi kha Chiefs. U amba uri zwi kha di vha muloro wawe u tamba kha kilabu ine ya vha Naturena.
- VHALANI ZWINWE: Khune o bvisela khagala mbilaelo nga ha Williams
Zwa zwino, uri o sedzesakha Stellenbosch—nga fhasi ha mugudisi Steve Barker—nahone vha ṱoḓa u thusa thimu uri i kunde ḽigi na u tamba zwavhuḓi kha ḽigi ya vhahali vha CAF.
