Mama Joy’ vho wana haya huswa nga murahu ha u wa ha Royal AM
Vho-Joyce Chauke, mufuni wa bola ya milenzhe wa henefho vhane vha divhea nga dzina la Mama Joy, vho sala vho hanganea nga murahu ha u wa ha Royal AM.
Mama Joy vho vha vho no vhuya vha ṱutshela Orlando Pirates,
Thimu ye vha vha vha tshi i tikedza lwa tshifhinga tshilapfu nahone vho vha vha tshi ḓivhea nga u sa vhuya vha xelelwa nga mutambo wa Soweto giants.
Fhedzi musi Shauwn Mkhize a tshi thoma Royal AM, Mama Joy vho tshuwisa vhanzhi nga u “ṱutshela” Pirates uri vha vhe mufuni muhulwane wa thimu ntswa.
Ho vha hu na dakalo ḽihulwane nga tshenetsho tshifhinga, nahone zwo vha zwi tshi vhonala uri Royal AM i ḓo fheleledza yo no vha maanḓa mahulwane kha bola ya milenzhe yapo.
Fhedzi nga mulandu wa thaidzo dzo phaḓaladzwaho zwavhuḓi, tshigwada tsho fhedza tsho pandelwa kha PSL, zwa vha zwi tshi khou sumbedza u fhela hatsho kha bola ya milenzhe yapo.
Zwino, Mama Joy vho vhudza Lisenethini uri vha do isa phanda na u tevhela bola ya milenzhe, nahone vho bvisela khagala thimu ine vha do vha vha tshi khou i tikedza musi khalaṅwaha ntswa i tshi khou dzhena.
“Ndo vha ndi tshi nga ya kha thimu ifhio na ifhio, fhedzi ndo nanga u tikedza Siwelele FC,” Mama Joy vho amba zwenezwino.
“Ndi ḓo ya mitamboni yavho sa mufuni wa bola ya milenzhe zwa zwino, hu si ngauri ndi khou ṱoḓa u vha mugidimi wa phanḓa kha thimu.”
O dovha a amba uri musi a tshi bvelela kha mitambo ya Siwelele, u ḓo vha o fhelekedzwa nga mufunwa wawe, Papa Joy, we a ṱangana nae ngei France nga tshifhinga tsha Rugby World Cup.
O amba uri mivhigo ya uri vho fhandekana ndi mazwifhi; Papa Joy vho vha vha tshi tou vha shangoni ḽa havho fhedzi vha ḓo vhuya Afrika Tshipembe ṅwedzi u ḓaho.
Nga murahu ha zwenezwo vha ḓo dovha vha vhonala khagala vhe vhoṱhe.
Translated by Nthaduleni Rolivhuwa
