Broos o tenda uri o sedzana na zwifhinga zwi konḓaho phanḓa ha Afcon
Musi ho sala vhege dzi si gathi fhedzi uri hu vhe na mutambo wa tshiphuga tsha dzitshaka tsha Caf Africa (Afcon), mugudisi wa Bafana Bafana Vho-Hugo Broos vhari vho sedzana na zwifhinga zwi konḓaho.
Thonamennde iyi i do farwa nga nwedzi wa Nyendavhusiku nahone Broos u khou lavhelelwa u bula tshigwada tshawe tsha Morocco nga nwedzi wa Nyendavhusiku.
Hugo Broos o tenda uri u khou di lugisela tsheo dzi konḓaho musi a tshi khou fhedzisa tshigwada tshawe tsha Afcon.
Hezwi zwi khou ḓa nga murahu ha musi vhatambi vhanzhi vho takadza musi Bafana i tshi kunda Zambia nga 3-1 mafheloni a vhege o fhiraho.
Oswin Appollis, Mohau Nkota na Sphephelo “Yaya” Sithole vho vha vhe kha thagethe. Joseph Sabobo ndi ene we a kora tshikoro tsha u wina tsha Zambia.
Broos o thoma nga mutevhe wawe wo ḓoweleaho, fhedzi kha tshipiḓa tsha vhuvhili o ḓisa vhaṅwe vhatambi vha si gathi — nahone vhaṅwe vhavho vha dzhia tshikhala.
Sipho Chaine, Khulumani Ndamane na Evidence Makgopa ndi vhaṅwe vhe vha ṋewa tshikhala tsha u ḓisumbedzisa.
- VHA RI WANA KHA FACEBOOK| Mitamboyashu.co.za
Hugo Broos ha ngo ita tshiphiri tsha uri zwi do konda hani u nanga thimu.
“Zwe zwa vha zwo leluwa miṅwahani mivhili yo fhiraho zwino zwo konḓa vhukuma,” ho amba Broos nga murahu ha mutambo ngei Nelson Mandela Bay ngei Gqeberha.
“Ri na vhatambi vha fhiraho 23 vhane vha nga ya Afcon. Dziṅwe tsheo dzi ḓo vhaisa vhatambi — na kha nṋe.”
O amba uri o vha a tshi toda u vhona uri vhatambi vhatuku vha do tamba hani kha mutambo uyu. Nahone o wana zwe a vha a tshi khou ṱoḓa.
“Ndo vha ndo fushea… hu si tshoṱhe, fhedzi ndo vhona zwine nda ṱoḓa u zwi vhona,” ho engedza Broos.
O ita na u eletshedza uri vhanwe vhavho vha nga vha vho no lugela Afcon.
“Vhatambi vha ngaho Ndamane… khamusi o lugela Afcon.” Bafana i kha tshigwada tsha B na Egypt, Angola na Zimbabwe.
Fulo ḽa Afcon ḽa Nigeria ḽi thoma nga ḽa 22 Khubvumedzi ngei Marrakesh, hune vha ḓo ṱangana na Angola.
