Bafana Bafana vho livhana khaedu nge vha dzhenisa Mokoena  

Bafana Bafana vho livhana khaedu nge vha dzhenisa Mokoena 

Hu khou pfala uri FIFA yo dzhia maga a fomala a u kaidza mutambi wa vhukati wa Safa na Bafana Bafana Teboho Mokoena.

Hezwi zwi khou da nga murahu ha musi Teboho Mokoena o dzheniswa kha mutambo musi o vha a tshi fanela u dzhielwa vhudzulo kha mutambo wa u khetha khapi ya lifhasi ya FIFA ya 2026.

Bafana Bafana yo kunda mutambo wonoyo nga 2-0 musi i tshi tamba na Lesotho nga ḽa 21 Ṱhafamuhwe ngei Tshitediamu tsha Peter Mokaba, Polokwane.

Mutambi wa vhukati wa minwaha ya 28 o vha o no kuvhanganya garaṱa mbili dza muvhala wa tshitopana kha mitambo yo fhiraho ya Lesotho.

Ya u thoma yo ḓa musi ri tshi tamba na Benin nga Lambamai 2023, nahone ya vhuvhili musi ri tshi tamba na Zimbabwe nga Fulwi 2024.

Nahone hezwi, nga fhasi ha milayo ya FIFA, zwo vha zwi tshi amba uri u ḓo tea u xelelwa nga mutambo muthihi. 

Nga ṅwambo wa tshifhinga tshilapfu tshe tsha dzhia, hu tendiwa uri mafhungo o vhigwa nga murahu ha awara dza 24 nga murahu ha ḓuvha ḽo vhewaho.

Fhedzi zwino SABC Sport i khou vhiga uri ho rumelwa vhurifhi kha Safa nga dzi 15 September uno nwaha, he Fifa ya khwathisedza uri yone na mutambi uyu vha khou sedzana na milandu.

Mulandu u katela u pfuka milayo yo vhalaho ya u kaidza, na u posa mutambi a songo teaho.

Mulandu u ḓo thetsheleswa nga komiti ya ndayo ya Fifa, nahone Safa na Mokoena vho ṋewa maḓuvha a ṱahe uri vha fhindule milandu.

Arali Bafana Bafana ya wanala i na mulandu, i nga xelelwa nga phoindi tharu dze vha dzi wana nga u kunda mutambo.

Mvelelo i ḓo dzhiiwa sa i si na mushumo, Lesotho yo ṋewa gundo ḽa 3-0.

Fhedzi hu nga vha na zwiṅwe zwithivheli zwi ngaho u badela kana u imiswa mushumoni zwine zwa nga vhewa kha Bafana.

Arali vha tshi do bviswa points, thimu ya Hugo Broos i do isa phanda na u vha ntha ha Group C, fhedzi i do vha i tshi khou lingana nga points dza 14 na Benin nga murahu ha mitambo ya 8.

Fhedzi Bafana i do dzula i ntha nga nthani ha phambano ya zwikoro ya +6 na +4 ya Benin.

Zwi tshe zwo ralo, Lesotho i ḓo ṋewa phondo nahone tshivhalo tshavho tsha phondo dzoṱhe tshi ḓo engedzea u bva kha ṱahe u ya kha ṱahe, fhedzi vha ḓo dzula vhe kha vhuimo ha vhuṱanu.

 

Vha ḓo vha murahu nga phoindi mbili kha Nigeria ḽi re kha vhuimo ha vhuraru na Rwanda ḽi re kha vhuimo ha vhuṋa, ḽine ḽa vha na phoindi dza 11 kha ḽiṅwe na ḽiṅwe.

Hezwi zwi ḓo amba uri arali Afrika Tshipembe ḽi tshi ḓo dzhena kha Tshiphuga tsha Ḽifhasi, ḽi ḓo tea u kunda Zimbabwe na Rwanda kha mitambo yaḽo mivhili ya u fhedzisela ya u ṱanganela nga Fulwi.

Vha do dovha vha tea u fulufhela uri Benin a i nga ḓo kundwa nga Rwanda kana Super Eagles ya Nigeria.

• Vhalani hafhu :Chiefs i kha makete i todana na mugudisi muswa

Nigeria, ḽine ḽa vha ḽo lindela mulandu uyu lwa tshifhinga tshilapfu, ḽi ḓo tea u kunda mitambo yaḽo yoṱhe yo salaho nahone ḽi na fulufhelo ḽa uri Bafana i ḓo khukhulwa kha mitambo yaḽo yo salaho.

Translated by Nthaduleni Rolivhuwa