Sangare o humbela Junior Dion uri a ṱutshele  Arrows 

Sede Junior Dion o ḓiitela dzina Afrika Tshipembe, nahone zwino muṅwe wa vhahali vhawe vha Ivory Coast u khou mu eletshedza uri a dzhie ḽiṅwe ḽiga kha mushumo wawe.

Mulindavhuno wa kale wa Ivory Coast na muwini wa Afcon ya 2023 Badra Ali Sangare uri Dion u fanela u ṱuwa kha Golden Arrows zwino.

Kha tshifhinga tshi ḓaho, u ya nga Sangare, Dion o vha a tshi fanela u ṱuwa Afrika Tshipembe a tshi khou ya kha khaedu na tshelede ya khwine huṅwe fhethu.

Dion wa minwaha ya 27 o fhedza khalanwaha yo fhelaho sa mutambi wa nṱhesa kha Betway Premiership nga u kora zwikoro zwa 14.

Kha ino khalanwaha o no kora zwikoro zwiṋa kha mitambo ya fusumbe kha miṱaṱisano yo fhambanaho – zwivhili kha ligi.

U vhonala vhukuma musi a tshi tamba na Mamelodi Sundowns, o kora zwikoro zwiṱanu kha mitambo miṱanu yo fhelaho musi a tshi tamba na Pretoria Bulls.

Sangare u tenda uri Dion o ḓiimisela u fhira kha thimu ya vhahulwane.

“Ndi vhona unga ndi tshifhinga tshavhuḓi tsha uri a pfulutshele kha thimu ya vhahulwane ngauri u kha ḓi ḓowela bola ya milenzhe ya Afrika Tshipembe.

“U kha di divha ligi. O diimisela u fhira kha vhuimo vhu tevhelaho,” Sangare o vhudza FARPost.

Sede Junior Dion o swika Afrika Tshipembe nga Ṱhangule 2021 u bva Jwaneng Galaxy ya Botswana.

O thoma a tamba kha thimu ya Marumo Galants, a tevhelwa nga MaZulu FC, a sa athu ya kha thimu ya Golden Arrows.

Musi ino season i sa athu thoma, Dion o vhuya a vhigwa uri o vha a tshi khou toda u bva kha Arrows.

O swika nga murahu ha tshifhinga kha camp ya pre-season musi hu tshi bvelela mivhigo ya uri tshigwada tsha UAE tsha Al Wasl tshi khou mufuna.

Sangare uri Dion zwino u tea u humbula nga ha khonadzeo ya u wana tshelede ya khwine nga bola yawe ya milenzhe.

• VHALANI ZWINWE : Mapholisa vhahulwane vho vhigwa vha tshi khou shela mulenzhe kha thodisiso dza Ekurhuleni

Sede Junior Dion o no ḓi ḓiitela dzina sa mutambi o bvelelaho musi a tshi tamba na Sundowns Afrika Tshipembe, nga vhukoni hawe ha u kora.

Zwino Sangare u tenda uri vhukando hawe vhu tevhelaho vhu fanela u mu thusa u alusa mushumo wawe.