Mugudisi o amba nga u ṱuwa ha Saleng kha  Orbit Colleage

Mugudisi muhulwane wa Orbit College Vho-Pogiso Makhoye vhari u pfulutshela ha Monnapule Saleng kha Mamelodi Sundowns zwo vha mangadza.

Mutambi uyu wa minwaha ya 28 o vha o hadzimiswa Orbit ubva kha Pirates u swika khalanwaha i tshi fhela.

Vhege yo fhiraho, o ita mvelaphanḓa i tshuwisaho ya u ya Sundowns, a fhelisa miṅwaha yawe miraru ye a vha e kha Buccaneers.

Nga tshifhinga tsha musi o hadzimiwa nga Orbit College, Saleng o kora zwikoro zwiraru  na u thusa vhavhili.

“Ri kha di lingedza u di wana zwino ngauri a ro ngo zwi vhona zwi tshi khou ḓa. Ro vha ri tshi humbula uri ri ḓo vha nae u swika khalanwaha i tshi fhela, fhedzi u a ḓivha bola ya milenzhe, u eḓela ṋamusi sa mutambi wa Orbit, musi u tshi vuwa matshelo, u huṅwe fhethu. Fhedzi hoyu a ro ngo zwi vhona zwi tshi khou ḓa,” Maccer Lakhoyedu to.

Makhoye vhari tshigwada tshi dzhia u ṱuwa ha Saleng kha Sundowns sa zwithu zwavhuḓi nṱhani ha u fheṱwa.

“Zwi amba uri ri mu thusa uri a dzule e nṱha na u dzula e na vhushaka na ene. Nahone zwi ṱuṱuwedza vhaṅwe vhatambi uri vha ambe fhedzi arali zwidodombedzwa zwe zwa ita fhano hune ra mu thusa hone. Zwi amba uri zwi nga itea kha muthu muṅwe na muṅwe,” o engedza.

“Zwino ro zwi dzhia sa zwithu zwavhuḓi nṱhani ha zwithu zwi si zwavhuḓi ngauri ndi vhona u nga ri khou dovha ra vha na vhatambi vhe vha vha vho huvhala vho vhuyaho.”

• VHALANI HAFHU: Bobo Sima o livha Botswana u wana tshenzhemo ya ndeme

U pfulutshela ha Saleng kha Sundowns zwo vha zwi tshi fana na zwa Teko Modise, we na ene a ṱutshela Orlando Pirates a dzhena kha Masandawana nga tshifhinga tsha u pfulutshela ha vhatambi nga nedzi wa Phando.