Cedric Kaze uri vhathu kha vha dzike  kha Kaizer Chiefs 

Mugudisi wa Kaizer Chiefs Vho-Cedric Kaze vho humbela u dzika kha thimu yavho – u bva kha vhatambi vhavho na vhatikedzi vhavho.

Chiefs yo takala nga murahu ha u wina mitambo mivhili i tshi khou tevhekana ya Betway Premiership.

Mvelelo idzi dzo takusa Chiefs kha vhuimo ha vhuvhili kha log – naho zwo ralo vha nga dovha vha tsela fhasi nga murahu ha mitambo ya Ḽavhuraru.

Amakhosi yo wana phoindi dza rathi musi i tshi kunda Durban City nnḓa ha mutambo nahone ya engedza dziṅwe nga u kunda Orbit College nga 4-1 nga Ḽavhuvhili.

Dakalo la vhatikedzi kha social media li nntha musi vhatikedzi vha tshi khou pembelela tshipikwa tsha team yavho.

Fhedzi Cedric Kaze uri hu kha di vha na mushumo munzhi, nahone u vhona unga vha fanela u ditukufhadza u itela uri vha sa fheleledze vho hanganea nga ha zwine zwa vha zwa ndeme.

“Zwine ra zwi ṱoḓa – riṋe na vhaṅwe vhoṱhe – ndi uri ri fanela u ḓiṱukufhadza.Ri ṱoḓa u ḓiṱukufhadza,” Kaze o ralo.

“Ri kha ḓi tea u shuma nga maanḓa ngauri a ri athu swika kha tshipikwa tshashu.Ndi a zwi ḓivha uri hafha u wina mutambo muthihi wa vha mudzimu wa bola ya milenzhe.

“Fhedzi wo kundwa kana wa draw game nthihi ya vha plumber na zwinwe zwine vha u vhidza zwone.

“Ndi ngazwo kha nyimele iyi ri tshi tea u vha na mulaedza wo livhaho kha vhatambi,” ho engedza mugudisi o bebwaho Burundi.

“Ri tea u ḓiṱukufhadza, ri tea u shuma nga maanḓa ngauri khalanwaha i kule vhukuma na u fhela nahone zwi kha dzangalelo ḽashu u lingedza na u vhulunga mvelaphanḓa iyi yashu.”

• VHALANI HAFHU : Ndlovu na Ouaddou vho wina pfufho dza Betway Premiership

Mutambo u tevhelaho wa Kaizer Chiefs ndi wa luṱa lwa zwigwada lwa Caf Confederation Cup na tshigwada tsha Egypt tsha Al Masry nga ḽa 23 Lara. 

Hezwi zwi ḓo ṋea Cedric Kaze na muṅwe ngae Khalil Ben Youssef tshifhinga tsho eḓanaho tsha u bveledza thimu yavho.

Naho zwo ralo, honohu ​​u awela hu lapfaho hu nga thithisa maitele avho.