Vho McKenzie vho tanganedza muvhigo wa Teboho Mokoena
Minisiṱa wa zwa mitambo Vho-Gayton Mckenzie vho ita nḓivhadzo ya ndeme nga ha mvelelo dza ṱhoḓisiso dza Safa kha tshiwo tsha Teboho Mokoena.
U tamba ha Teboho Mokoena kha mutambo wa ndeme wa u khetha wa World Cup ya 2026 musi o vha a tshi fanela u imiswa zwo ṱoḓa u vhea Bafana Bafana khakhathini.
Nga mulandu wa zwenezwo, Bafana yo bviselwa poindi tharu zwe zwa ṱoḓa u ita uri i si tsha wana vhuimo hayo kha World Cup.
Gayton Mckenzie o mbo ḓi ṋea Safa maḓuvha a sumbe uri a ṱalutshedze vhukhakhi vhuhulwane.
U bva tsheetsho vho khwaṱhisedza uri tshiimiswa tshi langaho bola ya milenzhe tsho ita ngauralo nahone tsha fhedza ṱhoḓisiso yatsho ya nga ngomu.
Naho vhanzhi vho vha vho lavhelela uri hu ḓo dzumbululwa vhushayanungo vhuhulwane, muvhigo wo phetha nga ḽa uri tshenetsho tshiitea tsho vha tshi tshi tou vha khombo i ofhisaho.”
Minisiṱa vhari nyimele dzi mangadzaho dze dza ita uri hu vhe na vhukhakhi na dzone a dzo ngo leluwa u dzi kunda.
“Zwino ro no ṱalutshedzwa nga vhuḓalo nga ha zwe zwa itea,” Gayton McKenzie o ralo nga Ḽavhuvhili.
- vhari wana kha facebook| facebook.com/profile.
“Kharaṱa mbili dza yellow dze Teboho Mokoena a dzi wana dzo vha dzo fhambana nga miṅwedzi ya 16, tshikhala tshine a tshi leluwi u tshi langa.
“U fhira ha tshifhinga uhu ho vha hu tshithu tsha ndeme kha u langa thimu.”
Muvhigo wo sedza kha uri garaṱa ya vhuvhili ya muvhala wa tshitopana yo bviswa lini, zwi tshi bvisela khagala u ṱangana hu mangadzaho hune ha katela mulanguli wa kilabu Vho-Vincent Tseka.
Naho Tseka o ṱanganedza vhukhakhi nga vhuḓalo, zwo bvelela uri o vha a siho musi Mokoena a tshi wana garaṱa ya vhuvhili.
Turns out o vha a tshi khou ya u dzhia vhahali nga murahu musi hezwi zwi tshi itea, meaning o vha a sa koni u zwi ṅwala fhasi.
Kha Mckenzie, zwidodombedzwa izwi zwi sumbedza u sa tshimbila zwavhuḓi kha vhulanguli ha Bafana Bafana.
“U ṱangana honoho hu sa anzeli u itea hu ri vhudza zwiṅwe zwithu zwo dzikaho — uri ḽihoro ḽashu ḽa lushaka ḽi khou shuma nga fhasi ha mutsiko muhulu,” minisita vho ralo.
“Naho vho bvela phanḓa na u tamba zwavhuḓi mudavhini, Bafana Bafana a vha na zwishumiswa zwo eḓanaho.”
Mawanwa a bvisa ṱhogomelo kule na u sola muthu muthihi na vhushayanungo ha sisiṱeme nga ngomu ha ndaulo ya bola ya milenzhe ya Afrika Tshipembe.
Naho u imiswa ha Mokoena zwo vha zwithu zwi si zwavhuḓi kha fulo ḽa u ṱanganela kha Tshiphuga tsha Ḽifhasi, Mckenzie o ombedzela uri hu tea u gudiwa ngudo kha nyimele iyi.
