Mdu o bvisela khagala u vhuya hawe kha fomo kha Chiefs

Nga murahu ha u kora zwikoro zwawe zwivhili zwa u thoma kha thimu khulwane ya Kaizer Chiefs, Mduduzi Shabalala u na fulufhelo ḽa uri zwiṅwe zwi ḓo tevhela.

A si uri Mduduzi Shabalala o kora zwikoro zwivhili fhedzi, fhedzi o dovha a vha na mushumo muhulwane kha zwiṅwe zwivhili musi Kaizer Chiefs yo kunda nga 4-1 Orbit College.

Nga murahu ha u kora zwikoro zwivhili zwa u thoma, Shabalala o ṋea muṅwe mutambi muswa kha thimu, Mfundo Vilakazi, nga phase yavhuḓi u itela u kora ya vhuraru.

Nga ḽa vhuṋa, u lingedza hawe u dzhia tshikoro tsha vhuraru a zwo ngo tshimbila nga nḓila ye a vha a tshi khou ṱoḓa ngayo, fhedzi mashudu mavhuya bola yo mbo ḓi wela murahu phanḓa ha Flavio Da Silva we a i dzhenisa kha nethe.

Ho vha hu gundo ḽihulwane ḽa u thoma ḽa Chiefs kha khalanwaha hayani. Musi vha tshi amba nga murahu ha mutambo, Vho-Shabalala vho amba uri vha na fulufhelo ḽa uri hezwi ndi mathomo a zwithu zwavhuḓi.

“Ndi tama u livhuwa Kaizer Chiefs u thoma nga u ri ṋea tshikhala hetshi tsha u tamba kha thimu yavhuḓi nga u rali,” Shabalala o ralo nga murahu ha mutambo.

• vhari wana kha facebook| facebook.com/profile.

“Kha nne, heyi a yo ngo vha khalanwaha yo leluwaho malugana na zwikoro na u sika, fhedzi ndi a takala uri namusi yo bvelela nahone ro kona u dzhia zwikoro .”

Vho-Mduduzi Shabalala vhari u gonya havho zwenezwino zwi khou itiswa nga zwine vhagudisi vhavho vha vha vha tshi khou vha eletshedza ngazwo kha zwa nyonyoloso.

“Ndi zwe vhagudisi vha vha vha tshi khou mmbudza gym… uri ndi tea u tamba kha heyi thimu zwinwe zwothe zwi do wela fhethu hazwo.

“Vho mmbudza uri arali nda vha kha vhuimo hanga ha khwine, mutambi muṅwe na muṅwe u ḓo vha kha vhuimo vhu fanaho.

• VHALANI HAFHU : Ndi ngani Arrows i mulingo muhulwanesa wa Pirates

“Ndo takala uri ndo kora zwikoro ṋamusi nahone ndi fulufhela uri hu ḓo vha na zwiṅwe zwinzhi zwine zwa ḓo ḓa.”