Vha Kaizer Chiefs vhari zwo vhifha fhedzi zwi a konḓelela
Mugudisi wa Kaizer Chiefs Khalil Ben Youssef o khoḓa thimu yavho musi i tshi kunda Durban City nga 1-0 kha Betway Premiership.
Flavio Da Silva o vha ene muhali hafhu, a tshi dzhena a tshi bva kha bentshi a dzhia tshikoro tsha u kunda tshitediamu tsho ḓalaho tsha Moses Mabhida.
Mutambo wone uṋe wo vha u sa takadzi nga u ralo sa izwi thimu dzoṱhe dzo vha dzi sa koni u fhaṱa zwikhala zwo ṱanḓavhuwaho.
Ben Youssef o tenda uri thimu yawe yo vha i tshi vhonala yo neta nga murahu ha musi yo kunda AS Simba kha Caf Confederation Cup uri i kone u dzhena kha mitambo ya u bva.
“Ro vha ro lavhelela mutambo u konḓaho,” Ben Youssef o ralo. “Zwo vha zwi tshi konḓa u dzula ndi na fulufulu ḽi fanaho nga murahu ha u wina khaphu na u dzhena kha tshigwada tsha zwigwada.
“Zwi a konḓa u dzula ri na mavhonele a fanaho. Ro vhona Stellenbosch na yone i tshi kundwa nga 4-0 nga Gallants nga murahu ha gundo ḽa Caf.”
Ben Youssef uri tshithu tshihulwane zwino ndi u sedza kha mvelelo nṱhani ha maitele – zwine vha ri vha ḓo zwi vhona.
Mugudisi o engedza nga uri: “Tshithu tsha ndeme vhukuma zwino ndi u kunda.” “Khalaṅwaha yo fhiraho ro tamba zwavhuḓi kha mitambo minzhi fhedzi a ro ngo wana mvelelo.
“Zwino ri khou lwela u wina u thoma.Arali zwa itea ra tamba zwavhuḓi – zwi ḓo vha bonasi.”
- VHALANI HAFHU : Muofisiri wa Lupopo o fhindula mafhungo a Pirates
Zwino thimu ya Kaizer Chiefs i khou lugisela mutambo wayo u tevhelaho na Orbit College tshitediamu tsha FNB nga Ḽavhuvhili vhusiku.
