Lupopo yo swikisa mbilaelo yayo kha tshigwada tsha  Pirates

Saint-Eloi Lupopo vho swikisa mbilaelo kha vha khonfederesheni ya bola ya milenzhe ya afrika Caf malugana na Orlando pirates hu tshi khou lindelwa tsheo malugana na mbilaelo dzo swikiswaho nga tshigwada tsha Soweto.

Kiḽaba ya DR Congo i khou gungula nga ha u tambudzwa ha vhatambi vhayo na tshiṅwe tshithu tshe tsha  fafadzelwa kamarani yayo ya u tshintsha zwiambaro.

St Eloi Lupopo yo kunda Orlando Pirates kha Caf Champions League, ya vha kunda nga 5-4 nga dzi penalty nga murahu ha musi mutambo  wo fhela nga 3-3 kha ṱhanganyelo.

Mitambo yoṱhe yo vha yo tshinyadzwa nga zwiwo zwa khakhathi na dzikhakhathi.

Ho vha na u fhambana ha maipfi hu fhisaho phanḓa ha mutambo wa u thoma ngei Lubumbashi nahone ha vuwa nndwa nga tshifhinga tsha mutambo wa vhuvhili ngei Orlando Stadium.

Orlando Pirates yo mbo ḓi ṋekedza mbilaelo kha Caf, i tshi khou vhilaela nga ha mugudisi wa Lupopo Guy Bukasa na vhatambi vhavhili — Henoc Molia na Ramos Khashala Wanet.

Hu khou pfala uri vha Buccaneers vho amba uri Bukasa ha ngo tea u dzula kha bentshi nga nthani ha u imiswa hawe kha Afcon Under-20 ngei Morocco.

Vho dovha vha amba uri Molia o nwaliswa nga murahu ha musi tshifhinga tsha u fhirisela vhatambi tsho no vala, ngeno u tea ha Wanet hu tshi khou hanedzwa nga nthani ha u fara dzi passport mbili.

Zwi tshe zwo ralo, muṅwaleli muhulwane wa Lupopo Vho-Jean Luc Kapend vho khwaṱhisedza kha KickOf uri tshigwada tsho humbela Caf uri tshitediamu tsha Orlando tshi valwe.

Vha dovha vha ṱoḓa uri vhapikisi vhavho vha Afrika Tshipembe vha sedzane na maga a mulayo.

• vhari wana kha facebook| facebook.com/profile.

“Zwi a mangadza uri a hu na tsho vhigwaho u bva kha sia ḽashu — ro dovha ra ṋetshedza mbilaelo kha Orlando Pirates,” Kapend o ralo.

“Ro ṋetshedza mbilaelo nga ha nyito dza khakhathi kha vhatambi na vhagudisi vhashu, na u fafadzelwa ha zwithu zwi re na vhuhali kamarani ya u tshintshela hone.

“Mbilaelo dzashu dzo thewa kha vidio dzi fhiraho 10, u katela na dzine dza sumbedza maitele a vhuloi.

“Ro dovha ra ṋekedza mbilaelo kha Caf ri tshi khou ṱoḓa uri tshitediamu tsha Orlando tshi imiswe u shumiswa kha mitambo ya Caf.”

• VHALANI HAFHU : Vha Kaizer Chiefs vhari zwo vhifha fhedzi zwi a konḓelela 

Caf i kha di do bvisa tshitatamennde tsha tshiofisi nga ha mafhungo aya sa izwi kilabu mbili dzo lindela u sedzuluswa ha mbilaelo dzadzo.