Gould u ṱuṱuwedza Chiefs na Pirates kha zwa u showboating

Morgan Gould, muḓivhalea wa tshigwada tsha Kaizer Chiefs, ha ngo tendelana na muhumbulo wa Vho-Hlompho Kekana malugana na vhatambi vha tshigwada tsha Kaizer Chiefs vhane vha khou ḓidzhenisa kha zwa u showboating.

Kekana o amba luvhi nga ha Mduduzi Shabalala nga murahu ha musi o ḓidzhenisa kha zwa u showboating kha mutambo wavho na AS Simba kha khaphu ya Caf Confederation.

Shabalala yo thoma u ita zwitaila  kha bola musi Kaizer Chiefs i tshi khou ranga phanḓa nga 3-0 kha mutambo.

Simba yo dzhia tshikoro tsha u linganisa nga murahu ha musi vhatambi vha Kaizer Chiefs vho ita showboating tsini na fuḽaga ya khona ya tsha monde, ndi hone he tshikoro tsha Simba tsha bva hone.

Mvelelo ya u fhedzisela ya mutambo wonoyo yo vha ya u kunda ha Kaizer Chiefs nga 3-1, zwe zwa ita uri vha bvele phanḓa vha tshi ya kha zwigwada.

Kekana uri ndi u sa thonifha mukhaedu nahone a zwi ṱoḓei kha mutambo wa phurofeshinaḽa.

Gould naho zwo ralo ha tendelani na Kekana, nahone u ri flair ndi tshipiḓa tsha mutambo nahone i ḓisa tshipiḓa tsha u ḓimvumvusa tshine tsha takadza vhatikedzi.

“Thimu a dzi fani, nahone nga ṅwambo wa zwenezwo, vhafuni vha bola ya milenzhe vha fanela u takadzwa nga vhukoni musi thimu i tshi khou kunda nga zwikoro zwinzhi,” ho amba Gould.

• Vhalani hafhu: Vha Kaizer Chiefs vhari zwo vhifha fhedzi zwi a konḓelela 

“Vhunzhi ha vhatikedzi vhane vha ḓa zwitediamu ndi vhatikedzi vha Kaizer Chiefs na Orlando Pirates,

” Hedzi thimu mbili zwino dzi khou tea u takadza vhatikedzi vhadzo tshitediamu tsho ḓalaho vhatikedzi vhadzo,” ho amba Gould.