Gavin Hunt ha khou toda vhatambi vha tshi vhilahela nga u kundwa nga Chiefs 

Mugudisi wa thimu ya Durban City FC Vho-Gavin Hunt vhari thimu yavho i tea u tavhanya u kunda vhutungu ha u kundwa nga Kaizer Chiefs nga 1- 0.

U ṱoḓa uri tshigwada tshawe tshi sedze kha khaedu yatsho i tevhelaho — mutambo wa ndeme wa Betway Premiership na Marumo Gallants tshitediamu tsha Chatsworth nga Ḽavhuraru.

U kundwa nga 1-0 tshitediamu tsha Moses Mabhida zwo sia Gavin Hunt o dinalea.

Fhedzi zwino mugudisi o livhisa ṱhogomelo kha u vhuedzedza tshigwada tshawe tsha vhaswa nḓilani.

“Zwi tou vha khagala uri ro dinalea nga mvelelo,” Hunt o tenda. “Ro sumbedza u khwaṱha ha vhukuma nahone ra vha ṋea thaidzo.”

Naho vho kundwa, mutambi wa tshenzhemo wa vhuṱali o bvisela khagala zwivhuya kha mitambo yavho, zwihuluhulu musi ri tshi sedza vhuvhumbi ha thimu yawe.

“Ri thimu ṱhukhu.Vhatambi vha kha ḓi aluwa, ri kha ḓi fhaṱa — ngauralo hu ḓo vha na dzi-hiccup hafha na hafha,” Gavin Hnt o bvela phanḓa.

O ombedzela ndeme ya u konḓelela na nyaluwo, a tshi dzhia zwithithisi sa tshipiḓa tsha maitele a u guda kha vhuimo ha nṱhesa.

“Mvelelo idzi a dzi ni thusi, fhedzi nga tshifhinga tshithihi dzi a ni fhaṱa – dzi a ni ṱuṱuwedza,” vha ralo.

Musi hu si na tshifhinga tsha u fhola, Hunt o ita khuwelelo ya uri hu sedzeswe kha mutambo u tevhelaho musi Durban City i tshi khou ḓilugisela u ṱanganedza Gallants.

“Ri nga si dzule khazwo.Ri fanela u ḓidzinginyisa ra sedza mutambo wa Ḽavhuraru.

Hunt o engedza nga uri: “Ri fanela u lavhelela phanḓa na u lingedza u wana mvelelo.”

• VHALANI HAFHU : Vha Kaizer Chiefs vhari zwo vhifha fhedzi zwi a konḓelela 

Mutambo une wa khou da u khou fha Durban City tshikhala tshavhudi tsha u ṱavhanya u fhira kha u dinalea havho na u vhuyelela kha mutevhe wa u kunda.

Ndi tshikhala tsha u sumbedza maanḓa avho phanḓa ha vhatikedzi vhavho ngei Chatsworth Stadium.