Sifiso Myeni u ri Ouaddou u ḓo vha ‘strong’

Mutambi wa kale wa Orlando Pirates na Bidvest Wits Vho Sifiso Myeni vho bvisela khagala vhupfiwa havho malugana na nyambedzano ine ya khou bvela phanḓa nga ha round ya u ḓihudza kha bola ya milenzhe ya Afrika Tshipembe.

Mduduzi Shabalala mutambi wa kaizer chiefs o sumbedza vhukoni hawe kha mutambo wa caf confederation cup musi vha tshi tamba na AS simba mafheloni a vhege o fhiraho.

Mugudisi wa Orlando Pirates Vho-Abdeslam Ouaddou vho kaidza vhatambi vhavho kha u tamba vha tshi khou itela u ḓihudza kha mutambo wavho wa Carling Knockout ino vhege.

Ho no fhela mimunithi ya 15 hu tshi khou tamba na Magesi FC, nahone musi vha tshi khou ranga phanḓa nga 2-0, vhatambi vha Pirates vho thoma u tamba dzi pass pfufhi na u sumbedza vhapikisi vhavho.

Vho ṋea tshikoro nga murahu ha musi mutambo wo no fhela vha fhedza nga 2-1, nahone Ouaddou o zwi bvisela khagala nga murahu ha mutambo uri ha ngo takadzwa nga kutambele kwavho.

Mugudisi vhari vho vha vho fanela u tamba u engedza zwikoro, hu si u ṱamba vhapikisi vhavho – vha zwi vhidza circus.

Fhedzi Vho-Sifiso Myeni ha tendelani nazwo, vhari naho vhanwe vhagudisi vha musalauno vha sa tendelani nazwo, zwi kha di vha tshipida tsha mvelele ya bola ya milenzhe ya Afrika Tshipembe.

“Nṋe ndo vha ndi tshi zwi ita musi ndi tshi khou tamba na nṋe, ngauralo a thi nga ambi uri a si zwavhuḓi,” Husband o vhudza Omni Soccer. “Fhedzi zwa zwino, khamusi mugudisi ha zwi takaleli.

“Na riṋe, naho mugudisi a tshi zwi takalela kana hai, ro zwi ita.Zwo vha zwi si nga ha ene a tshi ri vhudza uri ri zwi ite lini — a hu na tshithu.

“O vha a tshi tou ri vhona ri tshi zwi ita arali a sa zwi takaleli o vha a tshi nga ri vhudza nga murahu ha mutambo uri ro zwi ita kale.”

“Nga zwifhinga zwashu, ro vha ri tshi zwi ita naho hu tshi kha ḓi vha 0–0 u vhea mukhaedu kha tweak,” Husband o ralo a tshi khou sea.

• VHALANI HAFHU : Mbilaelo ya Lupopo ya Pirates i zwandani zwa Caf

O tenda uri vhagudisi vho fhambanaho vha na fiḽosofi dzo fhambanaho, a tshi humbula maḓuvha awe fhasi ha Gavin Hunt kha Bidvest Wits.

“Vhanwe vhagudisi vha funa swing, vhanwe a vha zwifuni. Vhanwe vha do ni vhudza uri ni ite heyi front fhedzi.

“Fhedzi ndi humbula musi ri tshi tamba na Sundowns kha final ya MTN8, Gavin Hunt o vha a si na iṅwe nḓila — o vha a tshi fanela u zwi ṱanganedza!”