Muofisiri wa Lupopo o fhindula mafhungo a Pirates
Musi hu tshi khou pfala uri Orlando Pirates yo isa mbilaelo tharu kha Caf malugana na St Eloi Lupopo.
Vha na vhutanzi ha u isa phanda na u shela mulenzhe kha Caf Champions League naho hu na tshutshedzo ya u bviswa kha mutambo.
Orlando pirates yo vhea mbilaelo malugana na mugudisi muhulwane Guy Bukasa na vhatambi vhayo vhavhili, Henoc Molia na Ramos Kashala Wanet.
Lupopo yo bvisa Pirates kha Champions League vhege yo fhelaho nga murahu ha musi yo kunda nga 5-4 nga dzi penalty, zwi tshi tevhela u ṱangana ha 3-3 kha mitambo mivhili.
Pirates yo kundwa nga 3-0 kha tshigwada tsha DR Congo kha mutambo wa u thoma wa round ya vhuvhili ya u thoma ngei Lubumbashi.
Fhedzi vho vhuyelela murahu nga gundo nga tshikoro tshithihi kha mutambo wa vhuvhili ngei Orlando Stadium.
Zwino nga murahu ha u bva havho, hu pfi Buccaneers yo ṋekedza mbilaelo tharu kha Bukasa, Molia na Kashala Wanet.
Uya nga ha mivhigo, Pirates i khou pomoka uri vhaofisiri vho vha vha songo fanela u tendela Bukasa a tshi dzula kha bannga nga nthani ha u imiswa musi a tshi khou langa thimu ya DR Congo Under 20.
Vha Buccaneers vha dovha vha amba uri Lupopo o ṅwalisa Molia nga murahu ha musi fasiṱere ḽa u rengisa vhatambi ḽo no vala, nga zwenezwo zwa pfuka milayo ya u ṅwalisa ya Caf.
Vha dovha vha vhudzisa uri Kashala o tea u tamba vha tshi ri mutambi uyu u na dzi passport mbili dzo fhambanaho.
Muṅwaleli muhulwane wa Lupopo Vho-Don Jean-Luc Kapend, naho zwo ralo, vho hanedza mafhungo aya.
O kombetshedza uri kilabu yawe i do tamba kha zwigwada zwa Caf Champions League.
“U imiswa kha mitambo i fhiraho muthihi zwi shuma fhedzi kha khethekanyo ye ya vhewa khayo, kha nyimele iyi ndi vha Under 20. ”
Kha mafhungo a vhatambi vhavhili, Vho-Kapend vhari na vhone a vha na mulandu wa u fhura henefho.
“Ṋamusi, zwithu zwoṱhe zwo ṱanganedzwa nga khomphyutha. Mbekanyamushumo ya round ya vhuvhili yo vha i tshi bva nga ḽa 1 u swika nga ḽa 30 Khubvumedzi .
- VHALANI HAFHU : Tso o ṱalutshedza zwine a zwi takalela nga Ighodaro kha Chiefs
“Kashala o ṅwaliswa kha sisiṱeme ya CMS nga ḽa 29 Khubvumedzi.
“FC Lupopo i ḓo tamba kha vhuimo ha zwigwada,”
