Mbilaelo ya Lupopo ya Pirates i zwandani zwa Caf

Khonifederesheni ya Bola ya Milenzhe ya Afrika (Caf) i khou lavhelelwa u ḓivhadza tsheo yayo hu si kale malugana na mbilaelo dzo ṋetshedzwaho nga Orlando Pirates na thimu ya Kenya,  Kenya police. 

Uya nga ha muvhigo wa www.winwin.com, hu khou pfala uri kilabu mbili dzo ita mbilaelo kha vhatambi vhadzo vho salaho vhane vha ḓo dzhena kha Caf Champions League.

 Kenya Police vho gungula nga ha Al-Hilal wa Sudan na Pirates vho bveledza u humbulelwa nga ha St Eloi Lupopo wa Riphabuḽiki ya Demokirasi ya Congo.

Uya nga ha mivhigo,  Kenya Police vho pomoka Al-Hilal uri u shumisa vhatambi vha nnḓa vha songo ṅwaliswaho na u sa ṱalula.

Hezwi ndi u pfuka mulayo, nahone arali ya wanala i na mulandu, thimu ya Sudan i nga bviswa kha thonamennde,  Kenya Police vho engedza.

Hu khou pfala uri thimu ya Orlando pirates yo vula mbilaelo kha mugudisi wa Lupopo Guy Bukassa Misakabo, we a vha o  imiswa mitambo kha ya rathi.

Tshigwevho, na faini ya $5,000 zwo ṋewa nga vha muhasho wa u kaidza wa Caf nga ḽa 22 Tshimedzi nga ṅwaha wonoyo muthihi.

Tshigwevho tsha Misakabo tsho tevhela vhuḓifari hawe vhu si havhuḓi musi hu tshi khou tamba mutambo wa Afrika Tshipembe na DRC wa Tshiphuga tsha Dzitshaka dza fhasi ha miṅwaha ya 20 vhukati ha Afrika Tshipembe na DRC nga ḽa 15 Lambamai.

Hu khou pfala uri Komiti ya Miṱaṱisano ya Caf, Club i ḓo ṱangana hu si kale u itela u sedzulusa round dza u thoma dza Champions League na Confederation Cup.

I ḓo khwaṱhisedza khethekanyo ya dzikiḽaba dzo bvelaho phanḓa, na u khwaṱhisedza maga a ndayo o ḓisendekaho kha mivhigo ya vharefiri na vhalavhelesi.

• VHALANI ZWINWE : Makalakalane u tshe o kwatela jomo sono na zwino

Draw ya zwigwada zwa dzi thonamente mbili i ḓo vha hone ngei Johannesburg, Afrika Tshipembe, nga Musumbuluwo wa ḽa 3 Lara.

Hedzi mbilaelo dzi tea u tandululwa hu sa athu u dzhiwa thimu. Tsheo dza milandu dzi khou lavhelelwa hu sa athu fhela mafhelo a vhege.