U bva ha Pirates kha Champs League zwo vhaisa Bafana
Mudivhi wa bola ya milenzhe fhano Afrika Tshipembe ane a dovha a vha mugudisi Vho-Zipho Dlangalala vho sumbedza u vhilaela malugana na u bviswa ha thimu ya Orlando Pirates kha mitambo ya Caf Champions League.
O amba uri hezwi a si u xelelwa nga tshikhala tsha u tamba kha thonamente fhedzi kha thimu — fhedzi ndi u xelelwa kha lushaka lwoṱhe.
“U bviswa ha Orlando Pirates kha vhuimo uhu zwi nga pembelelwa fhedzi nga muthu ane a khou lwa na bola ya milenzhe ya Afrika Tshipembe,” Dlangalala o ralo.
Uya nga havho, tshiwo itshi tshi do vha na masiandaitwa a si avhudi kha Pirates nga ndila i fanaho na musi Rulani Mokwena a tshi pandelwa kha Mamelodi Sundowns nga nwedzi wa Fulwana 2019.
“Ndi tshutshedzo khulwane kha Bafana Bafana.Hezwi zwi kwama thwii thimu yashu ya lushaka,” ho amba Vho-Dlangalala.
“Vhatambi vhashu vhaswa vho tholiwaho kha thimu ya lushaka, naho vhe na vhukoni, vha kha ḓi shaya tshenzhemo ya u tamba kha vhuimo ha dzitshaka — nahone u bva uhu hu songo lavhelelwaho hu sumbedza zwenezwo.”
Dlangalala, ane ya divhea nga u ombedzela mveledziso ya vhatambi, uri Caf Champions League ndi ya ndeme kha u gudisa vhatambi vha Afrika Tshipembe nga muhumbulo na nga vhutsila.
“Musi ndi tshi amba nga ha Sundowns kana Pirates, vhathu vha humbula uri ndi ngauri ndi mutikedzi wa iṅwe ya hedzi thimu.
“A thi mutikedzi wa bola ya milenzhe ya Afrika Tshipembe,” o amba.
“U tamba kha Champions League zwi bveledza vhatambi u fhira zwithu zwoṱhe.
“Mutambo muthihi kha thonamennde iyi u lingana na mitambo ya ligi ya hayani ya rathi kana u fhira u ya nga tshenzhemo yo wanalaho.”
Vho sevha uri tshifhinga tsha u ṱuwa ha Orlando Pirates tshi amba uri vhatambi vhanzhi zwino vha ḓo vha na zwikhala zwiṱuku zwa u wana tshenzhemo yeneyo phanḓa ha dzithonamente dza ndeme dza dzitshaka.
Arali Orlando Pirates yo vha yo no bvela phanḓa na thonamennde iyi, u tenda uri yo vha i tshi ḓo vha yo lugisela vhatambi vhanzhi kha khapi ya ḽifhasi ya 2026.
