Zwe Ouaddou a si zwitakalele musi Pirates i tshi kunda Magesi

Mugudisi wa Orlando Pirates Vho-Abdeslam Ouaddou vho takala nga gundo, fhedzi vha kha di vha na mbilaelo nga ha kushumele kwa thimu yavho kha mutambo wa Carling Knockout wa Lavhuvhili.

Tshigwada tshawe tsho dzhena kha semi-finals nga murahu ha musi tsho kunda Magic FC nga 2-1 tshitediamu tsha Orlando kha mutambo we vha vha vha tshi nga kona u dzhia zwikoro zwinzhi.

Musi vha tshi amba nga murahu ha mutambo, mugudisi o tenda uri vha fanela u litsha u sa vha na tshilidzi vha kora zwikoro zwinzhi kha mitambo ine vha vha na zwikhala zwinzhi.

“Wo vha u mutambo we ra vha ro fanela u dzhena kha tshifhinga tsha u awela ri tshi khou ranga phanḓa nga zwikoro zwiraru kana zwiṋa,” Ouaddou o ralo.

“Ndi zwithu zwine ra tea u khwinisa khazwo nga u ṱavhanya arali ri tshi ṱoḓa u bvelela.Fhedzi ri fhululedza vhaṱhannga ngauri wo vha u si mutambo wo leluwaho.

“Zwi dzula zwi tshi konḓa u tamba na hedzi thimu ngauri dzi na muya wa u lwa. Ro tamba bola ya milenzhe yavhuḓi nahone vhatikedzi vhashu vho i takalela.”

Ouaddou naho zwo ralo o vha o sala na maḓipfele o fhambanaho – o takala nga gundo, fhedzi o dinalea uri tshigwada tshawe a tsho ngo dzulela u ṱoḓa zwipikwa musi tsho no vha phanḓa.

“Arali ri tshi toda u bvelela a ni zwi iti nga heyi ndila. Ndi tea u tenda uri ndo vha ndi songo takala nga miniti ya 15 yo fhelaho,” ndi mugudisi wa Morocco a tshi engedza.

“Nṱhani ha u ya phanḓa na u ṱoḓa tshikoro tsha vhuraru, ro tamba dzi-pass pfufhi.Ndi a zwi ḓivha uri vhatikedzi vha a zwi takalela, na vhatambi vha a zwi takalela.

“Fhedzi a thi zwi takaleli na luthihi. Ndi khou toda u kora zwikoro zwinzhi. Ri tea u vha na vhuhali ngauri ndi zwa ndeme vhukuma kha u fhata fulufhelo.”

Pirates yo dzhia tshikoro nga miniti wa u fhedzisela, nahone Ouaddou uri vha fanela u shuma u vhona uri a vha nga dzheni nga hu leluwaho.

“Ndi zwithu zwine ra khou sedza uri ri sa zwi tende.Ro vha ro ḓiimisela u sa tenda tshikoro hayani fhedzi mashudu mavhi a ro ngo vha na ndavha mafheleloni.

“Fhedzi kha ri takale nga gundo ili. Fhedzi ndi do amba na vhatambi ngauri a tho ngo takalela mimunithi ya 15 yo fhedzisa .”

• VHALANI HAFHU: Tshiimo tshi kha ḓi konḓa kha Letsholonyane ngei Botswana

Pirates i tsini na -u shandukela kha ligi ya Betway. Vha do tangana na thimu ine ya vha phanda kha ligi ya Mamelodi Sundowns nga Mugivhela.

Arali vha kunda hoyu mutambo, vha do fhungudza tshikhala vhukati havho, vha lingana kha poindi sa vhunga zwa zwino hu na tshikhala tsha points tharu.