Tsheo ya mitambo ya Carling Knockout semi-fainals i ḓo dzhiiwa nga heyi nḓila

Tshiphuga tsha Carling Knockout tsha 2025/26 tshi khou bvela phanḓa— nahone nga Ḽavhuraru vhusiku, vhatikedzi vha ḓo wana uri vha ḓo tamba na i fhio kha semi-finals!

Thimu tharu – Richards Bay, Golden Arrows na Orlando Pirates – dzo no ḓi ṅwalisa zwikhala kha luṱa ulu lwa thonamennde.

Richards Bay yo wana vhuimo nga murahu ha musi yo kunda vhapikisi vhayo vha vunḓu Durban City nga 3-1 nga Mugivhela wo fhiraho.

Nga Swondaha, Golden Arrows yo ita zwi fanaho, ya laṱa TS Galaxy nga gundo ḽa 2-1 u itela u ḓiṅwalela vhuimo kha thimu nṋa dza u fhedzisela dza thonamennde ye mathomoni ya vha i na thimu dza 16.

Orlando Pirates yo kundwa nga Magesi FC kha khalaṅwaha yo fhelaho nga u i wisa kha round ya u thoma.

Fhedzi nga Ḽavhuvhili, Magesi fc– vhe vha vha vho ḓiimisela u ita zwi fanaho – vho wana Pirates i tshi fhisetshela u ita zwa khwine kha Carling Knockout nga hetshi tshifhinga.

Pirates yo kunda nga 2-1, nahone zwino i kho takalela u wina tshiphuga, yo lindela u bviswa uri i vhone uri ndi thimu ifhio ine ya tea u fhira nga murahu.

Thimu ya vhuṋa i ḓo ṱuwa nga Ḽavhuraru nga murahu ha musi Marumo Galants yo ṱangana na Stellenbosch FC Stadium tsha Dr Petrus Molemela – mutambo u thoma nga awara ya vhusumbe nga madekwana.

Draw ya tshiofisi i khou bvelela nga murahu ha mutambo nahone PSL yo bvisela khagala uri maitele a do tshimbila hani.

Uya nga ha milayo ya Carling Knockout, thimu a dzi nga do vhewa nga hune dzo fhedza hone kha ligi kha khalaṅwaha yo fhelaho.

Heyi ndi nḓila ine zwa ḓo tshimbila ngayo:

• Madzina a team nṋa a ḓo dzhena kha bodo nthihi.
• Bola ya u thoma ine ya ḓo khethiwa i ḓo ḓisa thimu ine ya ḓo vha hayani kha mutambo wa u thoma une wa ḓo ranga phanḓa mutambo wa u fhedzisela.
• Bola ya vhuvhili ine ya do khethiwa ndi yone ine ya do disa thimu ine ya do vha ya nnda kha mutambo wa u thoma une wa vha phanḓa ha final.
• Maitele a fanaho a ḓo tevhelwa kha mutambo wa vhuvhili une wa ḓo ranga phanḓa mutambo wa u fhedzisela.

VHALANI HAFHU: Orlando Pirates yo fhedza yo fhedza Carling KO challenges

Musi ho sala thimu mbili dza KwaZulu-Natal kha thonamennde iyi, vhatikedzi vha vundu vha do vha vha tshi khou fulufhela uri hu nga vha na nthihi yadzo ine ya do swika kha final.

Hafhu ndi kale thimu i bvaho kha vundu ili i sa athu tamba kha final – Na u tou wina khaphu.