Mafhungo maḓifha a Pirates phanḓa ha mutambo na Magesi fc
Mafhungo maḓifha a Pirates phanḓa ha mutambo na Magesi fc
Orlando pirates yo divhadza mafhungo madifha phanda ha mutambo wa vhusiku ha lavhuvhili na Magesi FC.
Vha Soweto vha ḓo ṱanganedza Magesi kha mutambo wa vhuvhili wa Carling Knockout wo lavhelelwaho vhukuma tshitediamu tsha Orlando nga awara ya vhusumbe nga madekwana.
Mafhungo maḓifha khea Orlando Pirates yo vha i si na mutambi o huvhalaho mafheloni a vhege o fhiraho nahone i ḓo vha yo ḓilugisela tshoṱhe kha mutambo uyu.
“A hu na mbilaelo ntswa dza u huvhala naho ho vha na nndwa i konḓaho nga Mugivhela,” ho amba Pirates kha tshitatamennde.
“Zwo salaho ndi mafhungo a Selaelo Rasebotja na Thabiso Sesane vhane vha khou bvela phanḓa na u fhola u itela u vhuyelela kha nyimele ya kale.”
Nga nnḓa ha Rasebotja na Sesane, Pirates i na Relebohle Mofokeng, Tapelo Xoki na Deano van Rooyen vho huvhalaho.
Buccaneers yo kunda Siwele FC kha round ya u thoma ya swika kha round ya vhuvhili ya Carling Knockout.
Zwi tshe zwo ralo, Dikwena tsa Meetse i kha ḓi vha kha maitele a u tsireledza tshiphuga tshayo sa izwi yo rembulusa AmaZulu kha round ya u thoma – ya vha kunda nga 3-2.
Sa vhunga hu Magesi ye ya mangadza na u shonisa Orlando Pirates nga u i fhelisa kha tournament ya nwaha wo fhelaho, i dzhiiwa sa mutambo une wa khou fhisa.
Zwi tou vha khagala uri hoyu u ḓo vha mutambo wa u lifhedza.
Nahone ngauri Pirates yo bviswa kha Champions League, tshiphuga itshi ndi tshikhala tshavho tsha u phumula mitodzi ya vhatikedzi.
