Ouaddou o talutshedza uri ndi ngani vho kundwa nga Lupopo

Mugudisi wa Orlando Pirates Vho Abdeslam Ouaddou vho talutshedza vhatambi vhe vha mangadza vhanzhi nga u sa bvelela kha mutambo wa Mugivhela.

Tshigwada tshawe tsho dzhena mudavhini hu si na mutambi wa phanḓa, nahone zwe zwa ṱavhanya u vhonala ndi u sa vha hone ha Evidence Makgopa na Thalente Mbatha naho vhe kha bannga.

Pirates yo vha i murahu nga 3-0 kha mutambo wa u thoma na St Eloi Lupopo ngei DR Congo mafheloni a vhege o fhiraho.

Pirates yo wina nga 3-0 tshitediamu tsha Orlando u fhedza mutambo nga u lingana, fhedzi ya kundwa nga 5-4 nga dzi penalty.

Mvelelo dzi fhedza fulo ḽayo ḽa Afrika hu tshe na tshifhinga u fhira zwe zwa vha zwo lavhelelwa kha luṱa lwa u ṱanganela kha Champions League.

Zwino Pirates i do sedza kha mutambo wa Carling Knockout Cup hune ya do tangana na Magesi FC kha round ya vhuvhili nga Lavhuvhili.

Ouaddou o vhudziswa nga ha ndila ye a dzudzanya ngayo thimu yawe kha mutambo wa Lupopo na nga ha u sia vhanwe vhe vha vha vho  lavhelelwa. 

“Zwo vha zwi tshi khou bva kha  lushaka lwa tshigwada tshe ra vha ro sedzana natsho. Ro vha ri tshi zwi ḓivha uri vha ḓo dzula murahu,” Ouaddou o ṱalutshedza.

“Nga zwenezwo, ro vha ri tshi khou ṱoḓa nḓila ya u tamba kha bogisi ḽavho nga vhatambi vhane vha ḓo kona u ita uri bola i dzule i phanḓa ha tshipikwa tshavho.”

Vho engedza nga uri mbekanyamushumo ya mitambo yo ḓalaho yo dovha ya vha na masiandoitwa mahulwane kha u khethwa ha thimu ye vha thoma nayo kha thonamennde.

“Yo vha i tsheo ya vhuṱali ya u sa katela Makgopa, fhedzi zwo vha zwi tshi dovha zwa vha tshiga tsha tseḓa,” ho engedza mugudisi wa Morocco.

“Ri tamba kha dzi tournament nnzhi, nahone ri tea u ita uri mutambi muṅwe na muṅwe a dzule e kha tshivhumbeo nahone o ḓiimisela u tamba.”

Pirates i do vha i tshi khou toda u lifhedza musi i tshi tanganedza Magesi FC ine ya khou tsireledza kha Carling Knockout.

• VHALANI ZWINWE : Kaze o khoḓa vhatambi vhavhili vhe vha ita phambano Chiefs

Mutambo u thoma nga awara ya vhusumbe nga madekwana nga Lavhuvhili tshitediamu tsha Orlando tshine tsha khou lavhelelwa u dovha tsha ḓala.