SAFA na SASOL vho swikelela thendelano ntswa
SAFA na SASOL vho swikelela thendelano ntswa.
Federesheni ya bola ya milenzhe ya Afrika Tshipembe SAFA yo swikelela thendelano ntswa na vhatikedzi vhayo vha kale.
SAFA na mutikedzi wavho wa tshifhinga tshilapfu SASOL vho dzhena kha thendelano ntswa nga murahu ha musi ya kale yo fhela miṅwedzini yo fhiraho.
U tikedza vhana vho ḓikumedzelaho kha mveledziso ya mitambo ya vhafumakadzi kha shango, vha tshi dzhena kha vhufarisani vhuswa ha miṅwaha miṋa u itela u thusa kha mveledziso ya mitambo ya vhafumakadzi.
SASOL ndi mutikedzi muhulwane wa zwigwada zwa vhafumakadzi Afrika Tshipembe nahone i shela mulenzhe zwihulwane kha zwigwada zwa mveledziso kha dzingu dzo fhambanaho dza shango (SASOL League).
Thendelano i ḓo fhungudza mutsiko wa masheleni kha dzangano sa izwi ḽi tshi khou pulana u fhungudza miholo ya miṅwe miraḓo ya vhulanguli.
- VHALANI HAFHU: Safa i mangala nga mashudu a Middendorp kha mishumo ya PSL
Vhufarisani uhu vhu khou ḓa musi thimu ya Banyana Banyana i tshi khou ḓilugisela mutambo wa vhuvhili na DRC sa mutambo wa u ṱanganela kha Tshiphuga tsha WAFCON.
