Vha Safa i mangala nga mashudu a Middendorp kha mishumo ya PSL
Muphuresidennde wa Safa Durban Vho-Mazwi Mkhize vho sumbedza u sa tenda uri ndi ngani kilabu dza PSL dzi tshi khou bvela phanḓa na u tshintsha vhagudisi.
Vho gungula vhari huna mugudisi ane a nga ana uri o fusha vhalanguli nga ndila ine vha mufuna ngayo ngeno a sa vha itele tshithu.
Vho mbo ḓi amba nga ha Vho-Ernst Middendorp, vhe vha gudisa thimu dzi fhiraho 10 dzo fhambanaho dza PSL u bva tshe vha swika Afrika Tshipembe.
Vho amba uri ndi mugudisi wa mashudu vhukuma ngauri ha swikeleli mvelele dzea tholelwa dzone , fhedzi ha shayi mushumo.
“Ndi khou vhilaedziswa nga zwine vhalanguli vha PSL vha khou amba nga ha u tholwa ha mugudisi wa kale wa Germany Ernst Middendorp.
“O tholiwa nga nḓila i sa tendisei nga thimu dza PSL,” Mkhize o ralo kha nyambedzano yo khetheaho na Senate.
“A thi ḓivhi uri u ḓivha mini kana ha ḓivhi mini nga vhahulwane vha Durban City ngauri u dzula e na mushumo wo mu lindelaho.
“Zwenezwo zwo thoma musi vha sa athu shandula dzina ḽayo, ḽine ḽa kha ḓi vhidzwa Maritzburg United, he a tholiwa hone nahone a pandelwa lunzhi-lunzhi.”
Middendorp o vha a tshi khou shuma sa mulanguli wa vhagudisi kha Durban City, fhedzi zwithu zwo mbo ḓi ṱavhanya u tshinyala musi a tshi kundelwa u shuma zwavhuḓi na mugudisi Gavin Hunt.
Kiḽaba yo fhelisa vhushaka na Middendorp, vha tshi ri o vha e na thendelano yo fhelaho.
Zwazwino u khou ṱangana na tshigwada tshihulwanesa tsha shango, Kaizer Chiefs nga murahu ha musi o ṱuwa Durban City.
“Ndi tenda uri Ntshebe (muṋe wa kilabu Farook Kadodia) o ita phoswo musi a tshi mu thola khathihi na Gavin Hunt.
“Hunt o wina tshiphuga tsha ligi lwa vhuṋa, MTN8, Telkom Knockout, na Tshiphuga tsha Nedbank luvhili.
“Gavin Hunt ndi mugudisi a re na nḓivho yo dzikaho ya bola ya milenzhe ya Afrika Tshipembe, nahone u pfesesa vhatambi zwavhuḓi.”
Vho-Mkhize vho amba izwo musi vha tshi khou rwela ṱari tshiphuga tsha Siyakhula tshitediamu tsha Moses Mabhida ino vhege.
