Zwine Ouaddou a zwi ṱoḓa kha Pirates kha mutambo muhulwane
Mugudisi wa Orlando Pirates Vho-Abdeslam Ouaddou vho humbela vhatambi vhavho uri vha lwe uri vha kora kha mutambo we vha u talutshedza sa mutambo muhulwanesa wa khalaṅwaha.
Buccaneers i do tangana na St. Éloi Lupopo kha mutambo wa vhuvhili wa mutambo wa u ṱanganedza vhatambi vha Caf Champions League nga Mugivhela.
Ri khou tea u rembulusa u kundwa nga 3-0 he ha itea kha mutambo wa u thoma ngei Kinshasa mafheloni a vhege o fhiraho.
Orlando pirates yo takusa fulufhelo ḽayo musi i tshi kunda Polokwane City nga 1-0 kha mutambo wa Betway premiership nga Ḽavhuraru.
Fhedzi Ouaddou o vha a songo takala nga tshivhalo tsha zwikhala zwe vha vha vhe nazwo zwa u kunda kha mutambo,
Zwi tshi sumbedza zwikhala zwo tambisaho nga Evidence Makgopa na Yanela Mbuthuma.
Mugudisi o vhudza thelevishini nga murahu ha mutambo a ri: “Ro vha ri tshi ṱoḓa u kora zwikoro zwinzhi.”
“Ro vha na zwikhala zwavhuḓi zwa u tamba mutambo. Ndi sia ḽine ra fanela u ḓi khwinisa khaḽo — nga maanḓa nga Mugivhela uno. Ri fanela u kora zwikoro zwinzhi.”
U kunda ho isa Orlando Pirates kha 18 points kha mitambo ya 8 ya ligi.
Fhedzi zwino ṱhogomelo yoṱhe i kha Champions League nga Mugivhela. Mutambo u hone Orlando Stadium nahone u do thoma nga awara ya vhuraru nga masiari.
Ouaddou o shandula vhatambi vhawe vha u thoma vha ya Polokwane City u itela uri vhaṅwe vha vhatambi vhawe vha nṱha vha dzule vhe kha tshivhumbeo phanḓa ha mutambo uyu wa ndeme.
O dovha a bvisa khuwelelo kha vhatikedzi: “Ri khou ṱoḓa vhatikedzi vha re murahu hashu.Ri fulufhela uri tshitediamu tshi ḓo ḓala.
“Ndi mutambo wa ndeme kha ḓivhazwakale kha kilabu. Ri tea u kora zwikoro zwiṋa — a zwi nga ḓo leluwa, fhedzi ri ḓo vha ro ḓilugisela.”
Orlando Pirates ina miniti ya 90 ya u ita vhuṱolo ha u ita uri muloro wayo wa u tamba khapi ya ḽifhasi u dzule u tshi khou tshila.
