Nyeletshedzo ya Ouadu kha Mbokazi we a ṋangiwa kha pfufho dza Caf

Ṋaledzi ine ya khou bvelela ya Orlando Pirates Mbekezeli “TLB” Mbokazi u khou tshila vhutshilo vhune vhunzhi ha thangana dzawe dza vha na muloro wawo. 

Mutsireledzi wa miṅwaha ya 20, o bebwaho ngei Hluhluwe, KwaZulu-Natal, o nangiwa kha pfufho ya mutambi muswa wa ṅwaha wa Caf.

Hezwi zwo itea nga murahu ha minwedzi ya sumbe fhedzi musi o no huliswa kha thimu ya vhahulwane kha Pirates.

U bva tshe a thoma nga fhasi ha José Riveiro u swika a tshi vha phuphu kha luvhondo lwa murahu lwa Bucs, nyaluwo ya Mbekezeli Mbokazi yo vha i tshi khou ṱavhanya nga nḓila i sa tendisei.

Vho-Mbekezeli Mbokazi vho swika kha mitambo ya semi-fainala ya mitambo ya Caf Champions League na Nedbank Cup, nahone vha khou takalelwa nga vhatikedzi na vhaḓivhi nga u fana.

U tamba hawe hu si na nyofho zwo dovha zwa kunga ṱhogomelo ya mugudisi wa Bafana Bafana Vho-Hugo Broos, a tamba lwa u thoma kha thimu ya lushaka mathomoni a ṅwaha uno.

U bva tsheetsho, mutambi wa vhukati muswa o no vha fulufhelo kha Bafana, nahone o tamba mushumo wa ndeme kha mitambo ya u khetha ya Tshiphuga tsha Ḽifhasi tsha 2026.

Mugudisi wawe wa Pirates Vho-Abdeslam Ouaddou vho khoḓa mufarisa mukapuṱeni kha thimu yavho.

O vhona u vhewa hawe kha pfufho sa “tshifhiwa tsho nakaho na tsho mu fanelaho” tshine tsha sumbedza malamba a u shuma nga maanḓa na u ḓilaya.

“U imela Orlando Pirates nga u ḓikukumusa,” ho amba Ouaddou. “Sa mutsireledzi na nṋe muṋe kha zwifhinga zwanga, ndi a ḓihudza ngae.

“Nyeletshedzo yanga khae yo leluwa: kha dzule a tshi ḓiṱukufhadza, a dzule a tshi shuma nga maanḓa, na u ṱhonifha bola ya milenzhe, ngauri bola ya milenzhe i nga ni takusa kana ya ni wisa nga u ṱavhanya.”

• VHALANI ZWINWE : Miguel o ḓirula mushumo kha tshigwada tsha Kaizer Chiefs 

Nga u nangiwa kha pfufho ya Caf, u vhidzwa tshifhinga tshoṱhe kha thimu ya lushaka, na thikhedzo ya vhatikedzi, vhumatshelo ha Mbekezeli Mbokazi vhu vhonala vhu havhuḓi.