Miguel o ḓirula mushumo kha tshigwada tsha Kaizer Chiefs 

Miguel o ḓirula mushumo kha tshigwada tsha Kaizer Chiefs 

Vho Inacio Miguel vho ḓirula mushumo sa mukapuṱeni wa Kaizer Chiefs, ngeno Vho Brandon Petersen vho dzhia vhuimo havho.

Zwi a pfala uri mushumo wa u ranga phanḓa Kaizer Chiefs wo vha u tshi lemela Inacio Miguel, nahone o vha a tshi pfa uri u khou thithisa mushumo wawe mudavhini.

Mutsireledzi wa Angola ndi munwe wa vhatambi vhe vha vha vha tshi dzulela u vha vho sedzeswa nga vhatikedzi, nahone vha sasaladzwa nga u tamba havho hu sa fushi.

“Tshiṅwe tshithu nga hae ndi uri o fhumula vhukuma, ha ngo vha murangaphanḓa, nahone u dovha a vha muṅwe wa vhatambi vho ḓowelaho u vha na vhukhakhi,” ho amba tshisima.

“Petersen o dzhia vhuimo ha uvha mukapuṱeni nahone u khou lavhelelwa u ṱuṱuwedza vhatambi na u khwaṱhisa kushumele kwawe kha pole.”

Thimu ya Kaizer Chiefs yo thola Inacio Miguel sa mukapuṱeni zwi tshi tevhela u ṱuwa ha Yusuf Maart ane zwino u khou tamba kha thimu ya Austria.

Zwi do dovha zwa humbulwa uri kha dzi khalaṅwaha dzo fhiraho Maart o vha o tangana na vhuleme sa izwi thimu yo vha i sa khou tshimbila zwavhudi, o vha a tshi sasaladziwa vhukuma nga vhatikedzi.

Maart o ṱutshela Chiefs, we a vha thusa u wina khaphu ya Nedbank nga tshikoro tsha u wina mutambo musi vha tshi tamba na Orlando Pirates kha mutambo wa u fhedzisela.

Mugudisi wa Chiefs Vho-Cedric Kaze vho vhudziswa nga ha mukapuṱeni nga murahu ha musi Petersen o vhonala o ambara bannda ḽa mukapuṱeni phanḓa ha vho Miguela na Vho-Zitha Kwinika kha mutambo wa Ḽavhuraru.

“Sa vhagudisi ro dzhia tsheo ya u vhea Petersen sa mukapuṱeni ri tshi ya phanḓa,” Kaze o ralo kha tshitatamennde, a tshi hana u bvisela khagala zwidodombedzwa zwo engedzeaho nga ha mafhungo aya.

• VHALANI ZWINWE : Kaze o ṱalutshedza uri ndi ngani o vha e eṱhe kha bench .

Kwinika o vha e mufarisa mulangi nahone Miguel o vha a tshi anzela u mu ṋea bannda, a tshi amba uri u a mu ṱhonifha sa mutambi muhulwane kha thimu.