Kaze o ṱalutshedza uri ndi ngani o vha e eṱhe kha bench .
Mugudisi wa thimu ya kaizer chiefs Cedric kaze vho bvisela khagala tshiitisi tsha uri ndi ngani mugudisi ngae khalil ben youssef a siho kha bannga musi vha tshi khou tamba na siwelele fc.
Amakhosi yo tamba 0-0 na Siwelele kha mutambo wa Betway premiership stadium tsha FNB.
Nga nnḓa ha u langa mutambo, thimu ya Naturena yo kundelwa u sika zwikhala zwo ṱanḓavhuwaho.
Hafhu vhatikedzi vho sala vho hanganea nga murahu ha musi munwe wa vhagudisi a songo bvelela mudavhini.
Cedric Kaze o vha e eṱhe kha bench, nahone o vha e ene mugudisi e eṱhe we a vha o ṅwalwa kha roster ya thimu.
Hezwi zwo ita uri hu vhe na u ṱoḓa u ḓivha, fhedzi Kaze zwino o bvisela khagala tshiitisi tsha uri ndi ngani o dzhia vhuimo e eṱhe kha mutambo.
“Khalil o vha a tshi khou ṱhogomela mafhungo e a vha o sedzana nae hayani ngei Morocco,” Kaze o ralo nga murahu ha mutambo.
“O vha a siho fhano, fhedzi u do vhuya nga Ḽaruṋa.”
Musi ri tshi vhuyelela kha mutambo, ho vha hu lwa vhuṋa thimu i tshi kundelwa u kunda kha mitambo ya ligi.
Mvelelo yo vha sia vhe kha vhuimo ha vhuṋa kha ḽogo, vha murahu nga phoindi ṱhanu kha murangaphanḓa Mamelodi Sundowns.
Kaze o lila nga u sa kona ha thimu yawe u shumisa vhukoni havho kha Siwele.
O fulufhedzisa u shuma nga maanḓa u itela u sika zwikhala zwinzhi na u kora zwikoro.
U vhuya ha Ben Youssef hu khou lavhelelwa u ṱuṱuwedza vhuḓipfi phanḓa ha mutambo wa ndeme wa Caf Confederation Cup mafheloni a vhege.
