Vhatikedzi vha fhululedza musi Safa i tshi khou pembelela Bafana
Dzangano ḽa bola ya milenzhe ḽa Afrika Tshipembe (Safa) ḽo fara vhuṱambo ngei Safa House nga Ḽavhuvhili u itela u pembelela u dzhena ha Bafana Bafana kha mitambo ya 2026 ya FIFA World Cup.
Mugudisi Hugo Broos, muthusi wawe Vho-Helman Mkhalele, na mulanguli wa thimu Vho-Vincent Tseka vho vha vhe hone u ṱanganedza zwifhiwa zwa thimu.
Tshiitea itshi tsho vha tshifhinga tsha u ḓihudza kha bola ya milenzhe ya Afrika Tshipembe sa izwi Bafana yo dzhena kha Tshiphuga tsha Ḽifhasi lwa u tou thoma nga murahu ha miṅwaha i minzhi.
Vho fhedzisela u tamba kha thonamennde nga 2010 musi vhe vhaṋe vha mutambo, fhedzi a vho ngo dzhena kha dzi qualifiers u bva nga 2002.
Vhaofisiri vha Safa vho khoḓa vhagudisi kha u shuma havho nga maanḓa, vhuḓifari havhuḓi, na muya wa u lwa kha fulo ḽoṱhe ḽa u ṱanganedza.
O bvisa zwinepe zwa mushumo uyu nga Lavhuvhili vhusiku nahone u bvelela ha Tseka zwo sinyusa vhatikedzi vhane vha khou toda uri a vhe na vhudifhinduleli kha vhukhakhi he ha ṱoḓa u ita uri Bafana i xelelwe nga vhuimo kha tournament.
Tseka o kundelwa u divhadza vhagudisi uri Teboho Mokoena o imiswa musi vha tshi khou tamba na Lesotho nga nwedzi wa Ṱhafamuhwe.
Nga ṅwambo wa zwenezwo, Fifa yo bvisela Bafana phoindi tharu, zwe zwa vhea thimu khomboni ya u sa dzhena kha thonamente.
- VHALANI HAFHU : Pirates i nga vha i sina Mofokeng kha mutambo na Polokwane City
Fhedzi musi ndugiselo dzi tshi khou bvela phanḓa dza Tshiphuga tsha Dzitshaka tsha Caf Africa nga Nyendavhusiku, Bafana Bafana i ḓo sedza kha u isa phanḓa na mvelaphanḓa yayo kha thonamennde.
