Pirates i nga vha i sina Mofokeng kha mutambo na Polokwane City
Orlando pirates i nga vha i si na mutambi wa ṋaledzi Relebohile mofokeng kha mutambo wayo wa Betway Premiership na Polokwane City tshitediamu tsha Orlando nga Ḽavhuraru.
Rele Mofokeng o huvhala musi Orlando Pirates i tshi kunda Siwelele FC nga 1-0 kha mutambo wa Carling Knockout mathomoni a uno ṅwedzi.
O mbo ḓi dzhielwa vhudzulo nga miniti ya vhu 62 ya mutambo wonoyo nahone a dovha a bviswa kha tshigwada tsha Bafana Bafana kha mitambo ya u tamba na Zimbabwe na Rwanda.
Mutambi uyu wa minwaha ya 20 o vha e mutambi muhulwane kha Pirates kha ino khalanwaha, nahone u sa vha hone hawe zwi do vha na masiandoitwa mahulwane.
Vha Soweto vha ḓo dovha vha vha vha si na vhatsireledzi Tapelo Xoki na Deano van Rooyen.
Xoki u kha ḓi vha kule nga ṅwambo wa u huvhala ha muṱoḓo kha khombo ya goloi nga ṅwedzi wa Ṱhangule,
Ngeno Van Rooyen o xelelwa nga mitambo ya malo nga ṅwambo wa u huvhala.
“Thimu i nga kha ḓi vha i si na mutambi wa vhukati wa u ṱhasela Relebohile Mofokeng, Deano van Rooyen na Tapelo Xoki,” ho khwaṱhisedza tshigwada kha tshitatamennde.
Pirates i kha vhuimo ha vhuraru kha ḽogo ya Betway Premiership nga phoindi dza 15 kha mitambo ya sumbe.
Vha murahu nga point dza rathi kha tshigwada tshine tsha khou ranga phanḓa zwino tsha Mamelodi Sundowns.
Fhedzi vha kha ḓi vha na mitambo miraru ine vha kha ḓi ḓo i tamba.
Arali Mofokeng a sa tambe nga Ḽavhuraru, hu ḓo vha na fulufhelo ḽiṱuku ḽa uri u ḓo vhuyelela kha Caf Champions League nga Mugivhela.
- VHALANI HAFHU : Quinton Fortune u na ngeletshedzo kha Hugo Broos
Pirates i khou sala murahu nga 3-0 kha DR Congo’s St Eloi Lupopo kha mutambo wa vhuvhili wa mutambo wavho nga Mugivhela tshitediamu tsha Orlando.
