Vhuimo ha Ntwari kha Kaizer Chiefs vhu khou timatimisa

Maḓuvha a mulindavhuno wa Kaizer Chiefs Fiacre Ntwari kha Naturena a vhonala o no sekena nga murahu ha mivhigo ya u sa pfesesana na vhagudisi phanḓa ha tshifhinga tsha u awela tsha Fifa zwenezwino.

Mutambi wa Rwanda o tamba kha thimu yawe ya lushaka kha mitambo ya u ṱanganedza ya Tshiphuga tsha Ḽifhasi yo tevhekanaho na Benin na Afrika Tshipembe nga tshifhinga tsha u awela.

Fhedzi o vha o sala nnḓa nga nḓila i sa ṱalutshedzei kha tshigwada tsha ḓuvha ḽa mutambo tsha Kaizer Chiefs mafheloni a vhege.

Hezwi zwo bveledza u timatima huswa nga ha vhuimo hawe kha kilabu.

Zwiko zwiri khuḓano yo thoma nga tshifhinga tsha Carling Knockout he vha kundwa nga Stellenbosch FC.

Musi hu sa athu thoma dzi penalty, he Chiefs ya kundwa, hu pfhi Ntwari o hana u bvisiwa. 

U hana  hawe ho vhonwa nga vhaṅwe vha re kha thimu sa tshiga tshi re khagala tsha u sa ṱhonifha.

Mugudisi Cedric Kaze o amba nga tshenetsho tshifhinga uri mafhungo aya a ḓo dzudzanyiwa nga ngomu.

Ubva tshe a dzhena kha Amakhosi a tshi bva kha TS Galaxy khalaṅwaha yo fhelaho, mulindavhuno wa minwaha ya 26 ha ngo kona u dzhena kha tshigwada tsha u thoma.

U khou ṱaṱisana na Brandon Petersen – ane a khou thoma kha ino khalanwaha na Bruce Bvuma.

Tshinwe tshiitisi tsha uri mulindavhuno a vhe na bvumo ḽivhi ndi uri mugudisi wa Rwanda Adel Amrouche o amba uri Ntwari u khou ṱoḓiwa nga thimu dza nnḓa ha shango.

O amba uri vho vha vha tshi do mu dzhia fhedzi Kaizer Chiefs i khou vha na tseḓa, i tshi khou ṱoḓa tshelede nnzhi kha dzi kilabu dzine a dzi ṱoḓa fhedzi vha sa kone u badela.

• VHALANI HEZWI: Ndi fulufhela uri McKenzie u pfesesa mikano  Motsepe

Hu pfi vhalanguli vho neta nga hezwi. Nga mulandu wazwo, nyimele ya Ntwari ngei Naturena i vhonala i si yavhuḓi.