Khanyisa Mayo o amba nga vhukhakhi he a vhuita
Mutambi wa Kaizer Chiefs, Khanyisa Mayo, o fhedza o amba nga ha vhukhakhi he ha ita uri mutambi ngae Pule Mmodi a si vhe o kora, na uri thimu i kunde.
Tshiwo itshi tsho itea musi hu tshi khou tamba na AmaZulu FC, musi Chiefs i tshi khou tea u wina. Mutambo wo fhela nga 1-1.
Bola ya Pule Mmodi yo vha i tshi vho livha kha nethe musi Khanyisa Mayo, a tshi bva kha vhuimo ha offside, a tshi i kwama nahone ya pfuka mutalo — zwa ita uri i sa tendelwe.
Tshiwo itshi tsho vusa khanedzano khulwane sa izwi vhanwe vhatikedzi vho sinyuwa vhukuma vha tshi mu pomoka uri u na vivho na u ḓiṱoḓela bvumo.
Musi vha tshi khou amba phanḓa ha mutambo wa Betway Premiership une Chiefs ya ḓo ṱangana na Siwele FC, Vho-Khanyisa Mayo vho tenda uri ho vha vhukhakhi vhuvhi vhukuma.
“Nga tshifhinga tsha u awela ro amba nga hazwo, ndo mu humbela pfarelo a ri, ‘zwoluga, hezwi zwithu zwi a itea kha bola ya milenzhe’,” Mayo o ralo nga Musumbuluwo.
- vhari wana kha facebook| facebook.com/profile.
“Ho vha hu na u shaya ṱhogomelo kha nṋe, ndo vha ndi sa ḓivhi nga ha nyimele ye nda vha ndi khayo nahone zwi a itea.
“Ro amba nga hazwo nahone ra zwi amba nga vhuḓalo, ra bvela phanḓa,” ho engedza Mayo we a dzhena kha Amakhosi zwenezwino.
O amba uri naho o amba nga hazwo, hezwi a zwo ngo mulelutshela u zwi hangwa sa izwi zwo bvela phanḓa zwi tshi mu dina u swika a tshi dovha a humbela pfarelo nga murahu ha mutambo.
“Na nga murahu ha mutambo ndo dovha nda mu founela nga ḓuvha ḽi tevhelaho, o mmbudza uri ndi songo vhilaela nga hazwo.
“O amba uri hezwi zwithu zwi a itea nahone zwo no itea, ndi zwa kale zwino ri tea u sedza kha zwine zwa do tevhela hu si zwine zwa vha zwa kale,” Mayo o isa phanda.
- VHALANI HAFHU : vho nrumela maluvha a mutengo wa fhasi-Parker
Chiefs i do tanganedza Siwelele FNB Stadium nga Lavhuraru nga awara ya vhusumbe na hafu nga madekwana i tshi khou toda u wina uri fulo layo la ligi li vhuyelele kha ndila.
